Follow @khasokhasmag

ट्रम्पकालमा अस्वीकृत ६० हजार बढी एसाइलम आवेदनलाई दोश्रो मौका दिइने


प्रकाशित मिति : भाद्र ९, २०७८ बुधबार

ट्रम्प प्रशासनका बेलामा एसाइलम अस्वीकृत भएका ६० हजारभन्दा बढी आवेदकहरुले दोश्रो मौका पाउने भएका छन् । आवेदन दिंदा भर्नुपर्ने विवरणका स्थानमा खाली ठाँउ छाडेका कारण आवेदन अस्वीकृत भएका उनीहरुले दोश्रो मौका पाउने भएका हुन् ।

उदाहरणका लागि यदि आवेदक अविवाहित थियो र दम्पत्तिको नाम लेख्ने स्थानमा एनए नलेखेर खाली छाडेको भएपनि त्यस्ता आवेदकको आवेदन अस्वीकृत गरिएको थियो । आवेदनमा खाली ठाउँ छाड्न नमिल्ने उक्त नीति अन्तरगत ६० हजारभन्दा धेरै आवेदन अस्वीकृत भएको तथ्यांक रहेको छ ।

कतिपय आवेदकका आवेदनहरु दुईजना दाजुभाई दिदीबहिनी उल्लेख गरेका कारण समेत अस्वीकृत भएको थियो । उदाहरणका लागि आवेदकले दाजुभाई दिदीबहिनीका नाम लेख्ने दुईवटा भागहरु भरेर बाँकी भागमा एनए नलेखेका आवेदकको समेत आवेदन अस्वीकृत भएको थियो ।

कैयन स्पानिस आवेदकहरुले आफ्नो भाषामा नाम नलेखेका कारण समेत आवेदन अस्वीकृत भएको थियो । आवेदनमा अँग्रेजीका साथसाथै आफ्नो मूल भाषामा समेत नाम लेख्नुपर्ने विकल्प रहेको छ ।

गत जुलाईमा संघीय न्यायाधिसले आवेदनमा खाली ठाउँ छाड्न नमिल्ने नीतिबिरुद्धको मुद्दामा सहमतिलाई स्वीकार गरेका थिए । सहमतिमा युएससीआईएसले खाली ठाउँ छाडेका कारण अस्वीकृत आवेदनलाई सन् २०२२ को जुलाई २० सम्म दोश्रो मौका दिने उल्लेख रहेको छ ।

उनीहरुको नयाँ आवेदनको मिति सुरुमा आवेदन दिएको मितिकै रुपमा कायम गरिनेछ । योग्यहरुलाई नयाँ आवेदन पेश गर्ने मौकाका लागि सुचित गरिने युएससीआईएसले जनाएको छ ।

   दर्ता नम्बर: २८२९

नमस्ते मिडिया

© 2022 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com