अमेरिकामा नेपाल चिनाउने नयाँ प्रयास, उत्कृष्ट स्टीकर डिजाइन गर्नेलाई ५ सय डलर नगद

खसोखास अमेरिका ब्यूरो

---

प्रकाशित मिति : श्रावण १०, २०७८ आईतबार

अमेरिकामा नेपालको पर्यटन प्रवद्र्धनका क्षेत्रमा विभिन्न श्रृजनात्मक कामहरु भइरहेका छन् । रेष्टुरेण्टको मेनुमा नेपालकाबारेमा उल्लेख गर्नेदेखि भित्तामा नेपाली कला संस्कृति झल्काउने कलाहरु प्रदर्शन गर्ने लगायतका कैयन श्रृजनात्मक काम भइरहेको सन्दर्भमा स्टोर, गाडी र रेष्टुरेण्टमा टाँस्नका लागि स्टीकर बनाउन नयाँ प्रयास सुरु गरिएको छ ।

अमेरिकाका विभिन्न शहरहरुमा नेपाल चिनाउने उद्देश्यले नेपालको पर्यटन प्रबर्धन गर्न आफ्नो यातायातका साधनहरु लगायत रेष्टुरेण्ट वा व्यापारिक स्टोरहरुमा टाँस्नको लागि स्टिकरको डिज़ाइनका लागि खुला आव्हान गरिएको छ । उत्कृष्ट डिजाइनलाई ५ सय अमेरिकी डलर नगद प्रदान गरिने ट्राभल ब्युरो अफ नेपाल अमेरिकाका सीईओ प्रदिप श्रेष्ठले जानकारी दिएका छन् ।

नेपालको कला संस्कृति साथै प्राकृतिक सुन्दरता झल्किने खालको स्टिकर डिजाइन गरी अगस्ट ३१,२०२१ भित्र पठाउनु अनुरोध गरिएको छ । प्राप्त डिज़ाइन हरु मध्ये उत्कृष्ट डिजाइन लाई ट्राभल ब्युरो अफ नेपाल युएसएको तर्फबाट नगद पुरस्कार दिइने श्रेष्ठले जानकारी दिए ।

खसोखास निशुल्क सब्सक्राइब गर्नुहोस् 🙏

अब तपाईँले अमेरिकी भिसा, ग्रीनकार्ड लगायत सम्पूर्ण अध्यागमन अद्यावधिकहरू तथा आवास, कर, स्वास्थ्य सेवा लगायतका विषयमा सूचना र स्रोतहरू छुटाउनु पर्नेछैन। ती सबै सिधै तपाईँको इनबक्समा प्राप्त गर्नुहुनेछ।

इमेल ठेगाना यहाँ प्रविष्ट गर्नुहोस्…

सब्सक्राइब गर्न यहाँ क्लिक गर्नुहोस्

आफ्नो डिजाइन इमेल ठेगाना [email protected] मा वा ह्वाट्सएप भाइबर नम्बर +1 3476537282 मा पठाउन सकिनेछ । ट्राभल ब्युरो अफ नेपाल व्यापारिक संस्था नभई नेपालको पर्यटन प्रबर्धन गर्न खोलिएको संस्था रहेको श्रेष्ठको भनाई छ ।

ट्राभल ब्युरो अफ नेपालको सल्लाहकार बोर्ड र नेपाल पर्यटन बोर्डको सहयोगमा डिज़ाइन छनौट गरिने जनाइएको छ ।