टिकटकको संचालक कम्पनी बाइटडान्सको आम्दानी दोब्बरभन्दा धेरैले बृद्धि
प्रकाशित मिति : असार ३, २०७८ बिहीबार
टिकटकको संचालक कम्पनी बाइटडान्सको आम्दानी सन् २०२० मा अघिल्लोबर्षको तुलनामा १११ प्रतिशत बढेर ३४ दशमलव ३ बिलियन डलर पुगेको छ । खुद नाफा पनि ९३ प्रतिशतले बढेर १९ बिलियन डलर पुगेको छ ।
बाइटडान्सका टिकटक लगायतका विभिन्न एप्लीकेशनमा सन् २०२० को अन्त्यसम्म १ दशमलव ९ बिलियन प्रयोगकर्ताहरु रहेका थिए । आफ्ना प्लेटफर्महरुमा विज्ञापन नै कम्पनीको आम्दानीको मुख्य श्रोत रहेको जनाइएको छ ।
कम्पनीले सन् २०२० मा भने कैयन झमेलाहरु झेल्नुपरेको थियो । तत्कालिन अमेरिकी राष्ट्रपति डोनाल्ड ट्रम्पले टिकटिकलाई प्रतिबन्ध लगाउन कार्यकारी आदेश जारी गरेका थिए भने चीनमै पनि व्यक्तिगत विवरण संकलनका सन्दर्भमा झमेला बेहोर्नु परेको थियो ।
एक तथ्यांक अनुशार अमेरिकामा टिकटक प्रयोगकर्ताहरु सबैभन्दा धेरै रहेका छन् भने त्यसपछि सबैभन्दा धेरै प्रयोगकर्ताहरु इन्डोनेसिया, रसिया, जापान, फ्रान्स, जर्मनी, युके र इटलीमा रहेका छन् ।