कोरोना महामारी २४ घण्टामा थपिए ९२४७ संक्रमित, २१४ को मृत्यु
प्रकाशित मिति : जेष्ठ ३, २०७८ सोमबार
नेपालमा पछिल्लो २४ घन्टामा ९ हजार २४७ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार २१ हजार ६५३ पिसिआर र ४३४ एन्टीजेनमार्फत् नमुना परीक्षण गर्दा ९ हजार २४७ जनामा संक्रमण पुष्टि भएको हाे।
योसँगै नेपालमा सक्रिय संक्रमितको संख्या एक लाख १३ हजार ४८० पुगेको छ। नेपालमा हालसम्म कोरोना भाइरसबाट संक्रमित हुनेको संख्या ४ लाख ६४ हजार २१८ पुगेको छ।
सोमबार देशभर ५ हजार ७६७ जना निको भएका छन्। हालसम्म निकाे हुनेकाे संख्या तीन लाख ४५ हजार ५२३ छ।
यस्तै पछिल्लो २४ घण्टामा नेपालमा थप २१४ जना संक्रमितको निधन भएको छ। मन्त्रालयका अनुसार हालसम्म नेपालमा ५ हजार २१५ संक्रमितको मृत्यु भएको छ। देशभर ७०८ जना क्वारेन्टाइनमा छन्।
चार दिन लगातार कम भएकाे संक्रमितकाे संख्या साेमबार पुन: बढेकाे हाे।