कोरोना महामारी : नेपालमा मृत्यु हुनेको संख्या दिनहुँ बढ्दै, २४ घण्टामा २१४ जनाको मृत्यु
प्रकाशित मिति : बैशाख ३०, २०७८ बिहीबार
नेपालमा कोरोना संक्रमणका कारण हुने मृत्यु बढ्दै गएको छ। पछिल्लो २४ घण्टामा नेपालमा २ सय १४ जनाको मृत्यु भएको छ। योसँगै नेपालमा कोरोनाबाट मृत्यु हुनेहरुको संख्या ४ हजार ४ सय ६६ पुगेको छ।
स्वास्थ्य मन्त्रालयका अनुसार २४ घण्टामा नेपालमा ८ हजार ८ सय ४२ संक्रमित थपिएका छन्। नेपालमा हालसम्म संक्रमितको संख्या ४ लाख ३१ हजार १ सय ९१ पुगेको छ। नेपालमा सक्रिय संक्रमितको संख्या १ लाख ५ हजार २ सय ७ जना पुगेको छ।
यस्तै, ५ हजार ५ सय ५५ जना निको भएका छन्। नेपालमा हालसम्म ३ लाख २१ हजार ५ सय १८ जना निको भइसकेका छन्।