राष्ट्रपतिद्वारा संयुक्त सरकार गठनका लागि आव्हान


प्रकाशित मिति : बैशाख २७, २०७८ सोमबार

राष्ट्रपति विद्यादेवी भण्डारीले नयाँ सरकार गठनका लागि आह्वान गरेकी छन्। नेपालको संविधानको धारा ७६ (२) अनुसार संयुक्त सरकार गठनका लागि राष्ट्रपति भण्डारीले आह्वान गरेको राष्ट्रपति कार्यालयद्वारा जारी विज्ञप्तिमा जनाइएको छ।

त्यसका लागि राष्ट्रपतिले वैशाख ३० गते साँझ ९ बजेसम्मको समय दलहरुलाई दिएकी छन्।

उक्त समयसम्म नयाँ सरकार गठन हुन नसके संविधानको धारा ७६ को उपधारा ३ अन्तर्गत केपी ओलीलाई सबैभन्दा ठूलो दलका हैसियतले अल्पमतको सरकार गठन गर्ने बाटो खुला हुनेछ।

प्रधानमन्त्री केपी शर्मा ओलीले सोमबार प्रतिनिधिसभाबाट लिन चाहेको विश्वासको मत असफल भएपछि उनी स्वतः पदमुक्त भएका छन् ।

ओली पदमुक्त भएलगत्तै नेपाली कांग्रेस, माओवादी केन्द्र र जसपाले संयुक्त सरकार गठनका लागि आह्वान गरेका थिए।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com