कोरोना महामारी : नेपालमा एकै दिन थपिए ९११६ संक्रमित, काठमाडौं उपत्यकामा ४१०६ जनामा संक्रमण पुष्टि
प्रकाशित मिति : बैशाख २४, २०७८ शुक्रबार
नेपालमा थप ९ हजार १९६ जनामा कोरोना संक्रमण देखिएको छ। देशभरका प्रयोगशालाहरुमा गत २४ घण्टामा गरिएको परीक्षणका क्रममा थप ९ हजार १९६ जनामा संक्रमण पुष्टि भएको हो।
स्वास्थ्य मन्त्रालयका अनुसार २४ घण्टामा १९ हजार ९८७ जनाको आरटी–पीसीआर विधिबाट नमूना परीक्षण गरिएको थियो। त्यसमा ९ हजार २३ जनामा संक्रमण पुष्टि भएको छ।
यस्तै, ४९५ जनाको एन्टिजेन परीक्षण गर्दा १७३ जनामा संक्रमण देखिएको मन्त्रालयले जनाएको छ।
स्वास्थ्य मन्त्रालयका अनुसार देशका विभिन्न भागमा पछिल्लो २४ घन्टामा थप ५० जनाको कोरोना संक्रमणका कारण मृत्यु भएको छ। योसँगै कोरोना संक्रमणबाट नेपालमा मृत्य हुनेको संख्या ३ हजार ५ सय ७९ पुगेको छ।
यस्तै, काठमाडौं उपत्यकामा एकै दिन ४ हजार १०६ जनामा कोरोना संक्रमण पुष्टि भएको छ।
विभिन्न प्रयोगशालाहरुमा आरटी–पीसीआर विधिबाट गरिएको परीक्षणका क्रममा उपत्यकाका तीन जिल्लामा गरी ४ हजार १०६ संक्रमित थपिएका हुन्।