नेपालमा सबै अन्तराष्ट्रिय उडान स्थगन भोलि रातीदेखि, केही उद्दार उडान संचालन हुने
प्रकाशित मिति : बैशाख २२, २०७८ बुधबार
नेपालमा सबै व्यवसायिक अन्तर्राष्ट्रिय उडानहरु स्थगन बिहिबार राती ११ बजेर ५९ मिनेटजाँदादेखि सुरु हुनेछ । नेपाल नागरिक उड््यन प्राधिकणका अनुशार नेपाली समय अनुशार मे ६ को राती ११ बजेर ५९ मिनेटपछि सबै अन्तर्राष्ट्रिय उडानहरु स्थगित गरिएको हो ।
विश्वभर फैलदै गएको कोरोनाको नयाँ भेरियन्टको संक्रमण नेपालमा पनि बढ्दै गएको सन्दर्भमा रोकथामका लागि भन्दै मन्त्रिपरिषद्ले गरेको निर्णयपछि नेपाल नागरिक उड््यन प्राधिकणले सुचना जारी गरेको हो । मे १४ को राती ११ बजेर ५९ मिनेट जाँदासम्म यो स्थगन लागु हुनेछ ।
Notices regarding suspension of domestic and international flights. pic.twitter.com/Z5LldhZ7tk
— Civil Aviation Authority of Nepal (@hello_CAANepal) May 3, 2021
यो अवधिमा व्यवसायिक एयरलाइन्सहरुले सिमित व्यवसायिक उद्दार उडानहरु भने संचालन गर्ने जनाइएको छ । ती उडानहरुको तालिकाका लागि भने सम्बन्धित एयरलाइन्समा नै सम्पर्क गर्नुपर्नेछ ।
अन्तर्राष्ट्रिय चार्टड र उद्दार उडानका हकमा स्वास्थ्य सुरक्षा मापदण्डको पूर्ण पालना हुनेगरी संस्कृति, पर्यटन तथा नागरिक उड्ययन मन्त्रालयले उडान अनुमति जारी गर्ने जनाइएको छ ।
एयर बबल सहमति अनुरुप नेपाल र भारतबीच भने सातामा दुईवटा उडानहरु हुने जनाइएको छ । जसमध्ये एउटा उडान नेपाल एयरलाइन्सको र अर्को उडान एयर इन्डियाको हुनेछ ।
ती उडानहरुमार्फत आउने यात्रुले सरकारले तोकेका होटेलमा आफ्नै खर्चमा अनिवार्य १० दिन क्वारेन्टीनमा बस्नुपर्नेछ । एयरलाइन्सले कुनै यात्रु कोरोना पोजेटिभ भएको बोकेको पाइएमा विमानमा चढेका सबै यात्रुको क्वारेन्टीन खर्च सम्बन्धित एयरलाइन्सले नै बेहोर्नुपर्नेछ ।
चार्टड र उद्दार उडानबाट आवतजावत गर्नेहरुका सन्दर्भमा बारकोड र फोटोसहितको पीसीआर रिपोर्ट समेत अनिवार्य गरिएको छ । त्रिभुवन अन्तरराष्ट्रिय विमानस्थलबाट आन्तरिकतर्फ १० हेलिकोप्टरसहित २० तथा अन्तरराष्ट्रियमा तीन नेपालीसहित २० हवाई सेवा प्रदायक कम्पनीले उडान भर्दै आएका छन् ।
सरकारले नेपालमा सोमवार मध्यरातदेखि आन्तरिक हवाई उडान बन्द गरिसकेको छ ।