नेपालमा २४ घण्टामा ८६५९ जनामा संक्रमण पुष्टि, ५८ जनाको मृत्यु
प्रकाशित मिति : बैशाख २२, २०७८ बुधबार
नेपालमा २४ घन्टामा कोरोना संक्रमणबाट ५८ जनाको निधन भएको छ। योसँगै नेपालमा हालसम्म कोरोना संक्रमणबाट मृत्यु हुनेको संख्या ३ हजार ४७५ पुगेको छ।
स्वास्थ्य तथा जनसंख्या मन्त्रालयका अनुसार बुधबार ८ हजार ६ सय ५९ जनामा संक्रमण पुष्टि भएको छ।
२० हजार ७ सय ५६ को पिसिआर र ६ सय १६ जनाको एन्टिजेन विधिबाट परीक्षण गर्दा ८ हजार ६ सय ५९ जनामा संक्रमण पुष्टि भएको छ।
काठमाडौ उपत्यकामा बुधबार ३ हजार ८ सय ४९ जना नयाँ संक्रमित फेला परेका छन् ।
हाल देशभर ६६ हजार ३५२ सक्रिय संक्रमित रहेका छन्। तीमध्ये ४ हजार ७६४ संस्थागत आइसोलेसनमा छन् भने ६१ हजार ५८८ होम आइसोलेसनमा छन्।
बुधबार १९९३ जना निको भएर डिस्चार्ज भएका छन्। कोरोना सङ्क्रमणमुक्त हुनेको दर ८० दशमलव ६ प्रतिशत रहेको मन्त्रालयले जनाएको छ। हाल देशभर आइसियुमा रहेका ६ सय सङ्क्रमितमध्ये १ सय ५६ जना भेन्टिलेटरमा छन् ।