सामान्य गाउँले युवतीबाट व्यवसायीक हाइ प्रोफाइल कल गर्ल बनेकी ‘जुनकिरी’ सर्वनाममा चम्किदै
प्रकाशित मिति : भाद्र ९, २०७३ बिहीबार
नानी थापाद्वारा लिखित, निर्देशित र अभिनित नाटक ‘जुनकिरी’ सर्वनाम थिएटरमा मञ्चन भइरहेको छ । भदौ ३ देखि सुरु भएको नाटक भदौ ११ सम्म चल्नेछ ।
करिब सवा १ घण्टा अबधिको यो एकल नाटकमा दर्शकलाई नृत्य, गीत, कबिता लगायत अभिनयका विभिन्न आयामहरुद्वारा चरित्रले बाध्ने कोशिश गर्दछे ।
धर्तीकी जुनकिरी र आकाशकी जून सुर्यको उज्यालोमा भन्दा अन्धकार रातमा बढी चम्किने र अस्तित्व प्राप्त गर्ने भएकाले यही समानता र केही भिन्नतालाई नाटकमा देखाउन खोजिएको छ ।
एउटी सामान्य गाउकी युवती कसरी ब्यबसायिक हाइ प्रोफाइल कल गर्लको रुपमा स्थापित हुन पुग्छे र एक दशक जिवनकालको यात्रामा उसँग जोडिएका र छुट्टिएका केही पात्रहरुको कथा पनि नाटकमा बुनिएको छ ।
एक आँटिली र बिद्रोही स्वभाबकी जुनकिरी नाटकभित्र विश्व समुदायलाई नै चुनौति दिन पनि पछि हटेकी छैन । आफुले प्रेम गरेको युबकको लागि जूनकिरीको अन्त्यन्त उदार समर्पणको भाब नाटकभित्र छ्ताछुल्ल पोख्ने कोसिस गरिएको छ ।
साहित्यमा रुचि भएकी जूनकिरीमार्फत नाटकभित्र गीत, नृत्य, गजल,कबिता लगायत हाँसो,रोदन,मिलन,बिछोड,क्रोध,श्रृंगार, भयानक अर्थात् अभिनयका नौ ओटै रस मार्फत प्रस्तुत हुने प्रयास गरिएको छ ।
