नयाँ बर्षमा अमेरिकामा क्वीन्स र क्लासिक डायमण्डबाट सुन उपहार, मे १३ सम्म यसरी गर्नुहोस् साइनअप
प्रकाशित मिति : बैशाख ७, २०७८ मंगलबार
नेपाली नयाँ बर्षको अवशरमा अमेरिकामा रहेको क्लासिक डायमण्ड एण्ड ज्वेलरी तथा न्युयोर्कमा रहेको क्वीन्स डायमण्ड एण्ड ज्वेलरीले सुन उपहार योजना अगाडि ल्याएको छ । लक्की ड्रबाट छानिने तीजनालाई सुन उपहार प्रदान गरिने भएको छ ।
पहिलो उपहारका १ आउन्स ९९ दशमलव ९ प्रतिशत शुद्ध सुनको बार प्रदान गरिने भएको छ भने दोश्रो उपहारका रुपमा आधा आउन्सको ९९ दशमलव ९ प्रतिशत शुद्ध सुनको बार प्रदान गरिनेछ । त्यस्तै तेश्रो उपहार एकतिहाई आउन्स ९९ दशमलव ९ प्रतिशत शुद्ध सुनको बार प्रदान गरिनेछ । सट्टामा त्यही बराबरको आफूले मन परेको गहना पनि लिन सकिनेछ ।
३० बैशाख अर्थात् १३ मे सम्म साइनअप गर्न सकिनेछ भने ३१ बैशाख अर्थात् १४ मे मा लक्की ड्रबाट विजेताको घोषणा गरिने भएको छ । एउटा परिवारको तर्फबाट एउटामात्र इन्ट्री गर्न सकिनेछ भने संयुक्त इन्ट्रीलाई मान्यता नदिइने जनाईको छ । अहिलेका लागि अमेरिकाभित्रको इन्ट्रीलाईमात्र स्वीकार गरिने जनाइएको छ ।
कम्प्युटर प्रणालीबाट अटोमेटिक रुपमा लक्की ड्रमार्फत छनौट गरेर विजेताको घोषणा गरिने भएको छ । विजेताले उपहार दावी गर्नका लागि आफ्नो परिचयपत्र पेश गर्नुपर्नेछ । उपहार नगदका रुपमा भने प्रदान नगरिने जनाइएको छ ।
लक्की ड्रमा सहभागी हुनका लागि क्लासिक डायमण्ड एण्ड ज्वेलरी तथा क्वीन्स डायमण्ड एण्ड ज्वेलरीको ग्राहक हुन आवश्यक छैन ।