वैशाखभरि सहरी क्षेत्रका विद्यालय बन्द गर्ने सरकारको निर्णय
प्रकाशित मिति : बैशाख ६, २०७८ सोमबार
सरकारले सहरी क्षेत्रका विद्यालयहरू बन्द गर्ने निर्णय गरेको छ। सोमबार बिहान बसेको मन्त्रिपरिषद बैठकले कोरोना भाइरस महामारीबाट बालबालिका जोगाउन सहरी क्षेत्रका विद्यालय बन्द गर्ने निर्णय गरेको हो।
मन्त्रिपरिषद बैठकले वैशाखभरि विद्यालयहरूमा पठनपाठन बन्द गर्ने निर्णय गरेको हाे।
स्वास्थ्य तथा जनसंख्या मन्त्रालयले कोरोना संक्रमण।का हिसाबले अति प्रभावित १४ जिल्लाका विद्यालय बन्द गर्नुपर्ने अवस्था रहेको बताएको थियो । काठमाडौं, ललितपुर, कास्की, रुपन्देही, चितवन, बाँके, पर्सा, भक्तपुर, कैलाली, मोरङ, दाङ, सुर्खेत, बारा, बागलुङलाई मन्त्रालयले अतिप्रभावित भनी वर्गीकरण गरेको थियो ।
यस्तै सरकारले काेराेना संक्रमण नियन्त्रणसम्बन्धी आदेश पनि जारी गर्ने निर्णय भएकाे छ। आदेश साेमबार नै राजपत्रमा प्रकाशित हुनेछ। जसमा २५ जनाभन्दा बढी भेला हुन नपाउनेलगायतका नियम छन्।