प्रचण्डको पुनरावलोकन निवेदनमा निस्सा दिन सर्वोच्चद्वारा अस्वीकार
प्रकाशित मिति : चैत्र १९, २०७७ बिहीबार
सर्वोच्च अदालतले नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले दिएको पुनरावलोकन निवेदनलाई निस्सा दिन अस्वीकार गरेको छ।
सर्वोच्च अदालतले गत फागुन २३ गते नेकपा नाम विवादसम्बन्धी मुद्दामा फैसला सुनाउँदै नेकपालाई खारेज गरेर एमाले र माओवादी केन्द्रलाई साविकको अवस्थामा फर्काएको थियो। सर्वोच्चको उक्त फैसलामाथि प्रचण्डलगायतका नेताहरूले आपत्ति जनाउँदै आएका थिए।
प्रचण्डले चैत १७ गते सर्वोच्चमा पुनरावलोकन निवेदन दर्ता गराएका थिए।
योसँगै अब माओवादी केन्द्र र एमाले ब्युँताउने सर्वोच्चको फागुन २३ कै आदेशले निरन्तरता पाउनेछ।