प्रचण्डले जेठ १० गते राजिनामा दिने
प्रकाशित मिति : ८ जेष्ठ २०७४, सोमबार
माओवादी केन्द्रका अध्यक्ष प्रचण्डले प्रधानमन्त्री पदबाट जेठ १० गते राजिनामा दिने भएका छन् । सोही मितिमा राजिनामा दिने पार्टीले निर्णय नै गरेको केन्द्रीय कार्यालय सदस्य मणि थापाले जानकारी दिएका छन् ।
काँग्रेस पार्टीसँग भएको सहमतिअनुसार प्रचण्डले सरकार छाडेर काँग्रेसको नेतृत्वमा नयाँ सरकार गठन गरिने भएको छ । यसअगाडि प्रचण्डले सरकार कहिले छाड्ने भन्ने विषयमा विभिन्न अड्कालवाजीहरु मात्र भइरहेको थियो ।
प्रचण्डले प्रधानमन्त्रीबाट जेठ १० गते नै राजिनामा दिने तर त्यसअघि नेपाली काँग्रेसका सभापति शेरबहादुर देउवासँग पनि छलफल गर्ने जनाइएको छ ।
प्रचण्डले प्रधानमन्त्री पदबाट राजिनामा दिएपनि काम चलाउ सरकारले नै बजेट ल्याउने तयारी भइरहेको छ ।