सयभन्दा धेरै भिडियोमा अभिनय गरेका दिक्पाल कार्की ६ बर्षपछि शिशिर राणाको चलचित्रमा अनुबन्ध
प्रकाशित मिति : फाल्गुन १७, २०७७ सोमबार
एकसयभन्दा धेरै म्युजिक भिडियोमा अभिनय गरिसकेका कलाकार दिक्पाल कार्की ६ बर्षपछि पुन चलचित्रमा अनुबन्ध भएका छन् । विगतमा दुईवटा चलचित्रमा लिड रोलमा अभिनय गरेका कार्की नयाँ चलचित्रमा अनुबन्ध भएका हुन् ।
शिशिर राणाले निर्माण तथा निर्देशन गर्न लागेको नयाँ चलचित्रमा अनुबन्ध भएका कार्की मिस्टर मोडल अफ द वर्ल्ड २०१८ समेत हुन् । विभिन्न राष्ट्रिय र अन्तर्राष्ट्रिय ब्राण्डहरुका लागि समेत अभिनय गरेका उनले विभिन्न राष्ट्रिय अन्तर्राष्ट्रिय शोहरुमा मोडलिङ गरिसकेका छन् ।
आफ्नो जन्मदिनको अवशरमा नयाँ चलचित्रमा अनुबन्ध भएका कार्कीले भने – ‘लामो पर्खाइपछि राम्रो टिमसँग जोडिन पाएको छु । मेरो जन्मदिनको अवसर पारेर आफ्नो नयाँ चलचित्रमा अनुबन्धित गर्नु भएकोमा चलचित्र टिमप्रति हृदयदेखि नै आभार प्रकट गर्दछु ।
यसलाई आफूले बहुमुल्य उपहारको रुपमा स्वीकार्दै आफ्नो सम्पूर्ण मिहिनेत लगाएर काम गर्ने कार्कीले बताए । कार्कीले भने -‘मेरा दर्शक र शुभ चिन्तकहरुलाई मेरा हरेक सफलता र असफलतामा पनि साथ दिनुभएकोमा आभार प्राकट गर्दछु । र आगमी दिनमा यो साथ निरन्तर र विशाल हुँदै जानेमा आशावादी छु ।’
आफू चलचित्रबाट केही टाढा भएको अवस्थामा समेत आफ्ना दर्शक र शुभचिन्तकहरुले चलचित्रमा आउनका लागि दिएको उत्साह नै चलचित्र क्षेत्रमा रोकिसकेका कदमहरु पुन सुचारु गर्ने प्रेरणा भएको उनले बताए । भविश्यमा चलचित्रबारे विस्तृत जानकारी दिने र आगामी चलचित्र ‘पोइ पर्यो काले’ को सिक्वेल रहेको उनले बताए ।