एक अर्कालाई लड्डु खुवाएर खुसी साटे प्रचण्ड–माधवले
प्रकाशित मिति : फाल्गुन ११, २०७७ मंगलबार
सर्वोच्च अदालतले प्रतिनिधिसभा पुनःस्थापनाको पक्षमा फैसला गरेपछि नेपाल कम्युनिष्ट पार्टी (नेकपा) को प्रचण्ड–माधव पक्षका अध्यक्षद्वय पुष्पकमल दाहाल ‘प्रचण्ड’ र माधवकुमार नेपालले खुसीयाली मनाएका छन्।
बुधबारको आमसभाका लागि चितवनमा पुगेका दाहाल र नेपालले एक अर्कालाई लड्डु खुवाएर खुसी साटेका थिए। उनीहरुले एक अर्कालाई लड्डु खुवाएको तस्बिर प्रचण्डकी छोरी रेनु दाहालले आफ्नो फेसबुकमा सेयर गरेकी थिइन्। बुधबार चितवनमा गर्न लागिएको जनसभालाई विजय सभामा परिणत गरिएको छ।
यसका साथै प्रचण्ड–माधव पक्षले काठमाडौंको माइतीघर मण्डला तथा रत्नपार्क शान्तिबाटिकामा मैनबत्ती बालेर विजयोत्सव मनाएका थिए।