प्रतिनिभिसभा बिघटनबारेको बहस समाप्त, अब आन्तरिक परामर्शपछि फैसला
प्रकाशित मिति : फाल्गुन ७, २०७७ शुक्रबार
नेपालको सर्वोच्च अदालतमा प्रतिनिधिसभा विघटनबारेको बहस समाप्त भएको छ । मुद्दाको सुनुवाइमा पक्ष, विपक्ष र एमिकस क्युरीको बहस सकिएकाले अब फैसलाको प्रतिक्षा गरिएको छ ।
प्रतिनिधिसभा विघटनको सिफारिसलाई चुनौती दिँदै दायर गरिएका रिट निवेदनहरूमा पक्ष, विपक्ष र बहस एमिकस क्युरीको लामो बहस भएको थियो ।
प्रधानन्यायाधीश नेतृत्वको संवैधानिक इजलासले फाल्गुन १० गते भित्र बहस नोट उपलब्ध गराउन पक्ष, विपक्ष र एमिकस क्युरीका तर्फबाट बहस गरेका कानुन व्यवसायीहरूलाई अनुरोध गरेका छन्।
प्रधानन्यायाधीश चोलेन्द्र शमशेर जबराले न्यायाधीशहरूले फैसलाका लागि आन्तरिक परामर्श गर्ने सङ्केत गरेका छन्। अदालतको सहयोगी भनिने एमिकस क्युरीका तर्फबाट शुक्रवार बहस सकिएपछि अब फैसलामात्र बाँकी रहेको हो ।
पुस ५ गते प्रतिनिधिसभा विघटन गरिएपछि पुस ७ गते असंवैधानिक दावी गर्दै त्यसको बिरुद्ध नेकपाका प्रमुख सचेतक देव गुरुङसहितका सांसदहरु र अन्य विभिन्न व्यक्तिबाट १ दर्जन रिट निवेदनहरू सर्वोच्च अदालतमा दायर भएका थिए ।
ठिक २ महिनापछि संवैधानिक इजलासमा बहस सकिएको हो ।
प्रधानन्यायाधीश राणाको अध्यक्षतामा रहेको संवैधानिक इजलासमा विश्वम्भरप्रसाद श्रेष्ठ, अनिलकुमार सिन्हा, सपना प्रधान मल्ल र तेजवहादुर केसी न्यायाधीश सदस्य छन् ।