भागरथी भट्टको बलात्कारपछि हत्याका अभियुक्त आज सार्वजनिक गरिदै
प्रकाशित मिति : फाल्गुन ५, २०७७ बुधबार
भागरथी भट्टको बलात्कारपछि हत्या गरेको अभियोगमा एक जना पक्राउ परेका छन् । प्रहरी स्रोतका अनुसार पक्राउ पर्नेमा बैतडीको दोगडाकेदार गाउँपालिका–७ की १७ वर्षीया किशोरी भट्टकै विद्यालयमा अध्ययनरत दिनेश भट्ट नाम गरेका एक छात्र रहेका छन् । प्रहरीसमक्ष विद्यालयबाट फर्कंदा भागरथीको बलात्कार र हत्या गरेको उनले स्वीकार गरेको बताइएको छ । भागरथीका छिमेकीसमेत रहेका ती छात्रलाई आज सार्वजनिक गरिने प्रहरीले बताएको छ ।
माघ २१ गते (बुधबार) घरबाट विद्यालय गएकी किशोरी भट्ट साँझ घर नफर्केपछि खोजी गर्दै जाँदा भोलीपल्ट साँझ ५ बजेतिर बलात्कारपछि हत्या भएको अवस्थामा शव नजिकैको लबलेक जङ्गलमा फेला परेको थियो । त्यसपछि सुदूरपश्चिम प्रदेश प्रहरी कार्यालयका प्रमुख प्रहरी नायब महानिरीक्षक डीआईजी उत्तमकुमार सुवेदी नै घटनास्थल पुगेर अनुसन्धान गरेका थिए ।