यो साता बेरोजगारी विमाको रकम आउन एकदिन ढिलो हुने
प्रकाशित मिति : फाल्गुन ३, २०७७ सोमबार
आज प्रेसिडेण्ट डे का कारण बैंकहरु बन्द भएकाले आज बैंक खातामा प्राप्त हुने बेरोजगारी विमाको रकम भोलिमात्र प्राप्त हुने भएको छ । खासगरी आइतबार वा सोमबार प्रमाणिकरण गरेकाहरुले सोमबार राती उक्त रकम प्राप्त गर्दै आएकोमा एकदिन ढिलो हुने भएको छ ।
रकम प्राप्त हुनमा एकदिन ढिलो हुँदा डिपार्टमेन्ट अफ लेबरमा फोन सम्पर्क नगर्न सुझाव दिइएको छ । प्रमाणिकरण गरेको एक वा दुईदिन पछि रकम प्राप्त हुने दिनबारे अनलाइन एकाउन्टमार्फत जानकारी प्राप्त गर्न सकिनेछ ।
Reminder: Due to bank closures on Monday, February 15 for Presidents’ Day, there will be a one-day delay in benefit payment processing if you typically certify on Sunday or Monday. (1/2) pic.twitter.com/8KmGRvsHuq
— NYS Department of Labor (@NYSLabor) February 15, 2021
नयाँ बर्ष, मेमोरियल डे, मार्टिन लुथर किङ डे, प्रेसिडेण्ट डे, इन्डिपेण्डेण्स डे, लेबर डे, कोलम्बस डे, भ्रेटान्स डे, थ्यांक्सगिभिङ डे र क्रिसमस डे जस्ता विदाका दिनमा बेरोजगारी विमाको रकम पाउन एकदिन ढिलो हुनसक्नेछ । बेरोजगारी विमाका अतिरिक्त मार्च मध्यसम्म अमेरिकी सरकारले साप्ताहिक ३ सय डलरसमेत प्रदान गर्दै आएको छ ।
मार्च मध्यपछि कैयन सुविधाको अवधि समाप्त हुने भएकाले त्यतीबेलासम्म नयाँ राहत प्याकेज पारित गर्ने सांसदहरुको तयारी छ । नयाँ राहत प्याकेजमा पनि बेरोजगारी विमाका अतिरिक्त रकम र १४ सय डलरको राहत चेक समेटिनेछ ।