एकसातादेखि हराएका नेपाली विद्यार्थीको खोजीका लागि न्युजर्सीको प्रहरीबाट सार्वजनिक सुचना जारी
प्रकाशित मिति : माघ १२, २०७७ सोमबार
न्युजर्सीको म्याडिसन प्रहरीबाट एकसातादेखि हराएका नेपाली विद्यार्थीको खोजीका लागि सार्वजनिक सुचना जारी गरिएको छ । अजय शाह नाम गरेका नेपाली विद्यार्थी गत जनवरी १८ देखि हराइरहेकोमा आज म्याडिसन प्रहरी विभागले शाहको खोजीका लागि सर्वसाधारणको सहयोगका लागि अपिल गर्दै सार्वजनिक सुचना जारी गरेको हो ।
उनको बारेमा कुनै सुचना प्राप्त भएमा फोन नम्बर ९७३ ५९३ ३००० मा खबर गरिदिन म्याडिसन प्रहरीले अनुरोध गरेको छ । ५ फिट ६ इन्च उचाई भएका अजय शाहको कालो आँखा र कालो कपाल रहेको छ । उनको तौल अन्दाजी १२५ पाउण्ड रहेको छ ।
MPD is asking for the public’s assistance in attempting to locate missing @DrewUniversity student Ajay Sah, 22 year old Male, 5’ 6” 125 lbs.
Anyone with information is asked to contact #MadisonNJ PD at 973-593-3000.@NJGov @NJSP @News12NJ @NBCNewYork @ABC7NY @CBSNewYork pic.twitter.com/R1g4qCm7Ul
— Borough of Madison, NJ (@MadisonNJ_gov) January 25, 2021
२२ बर्षका शाहको पुख्यौली घर सिराहा रहेको र हाल उनको परिवार कीर्तिपुरमा बस्दै आएको जनाइएको छ । उनले विगत साढे २ बर्षदेखि ड्रिउ युनिभर्सिटीमा अध्ययन गर्र्दै आएको जनाएको छ ।
भाईलाई खोज्दै न्युयोर्क आइपुगेका उनका दाजु शिव शाहले खोजीका लागि प्रहरीलाई अनुरोध गरिएपनि प्रहरीले खोजी कार्य अन्त्यन्तै ढिलो गतिमा गरिरहेको बताएका छन् । न्युजर्सीको मेडिसनमा रहेको ड्रिउ युनिभर्सिटीमा अध्ययनरत अजय शाह हराएको बारे कलेजलाई पनि खबर गरिसकिएको जनाइएको छ ।
उनको विगत एकसातादेखि सामाजिक सञ्जाल र फोनमा समेत कुनै गतिविधि नदेखिएको जनाइएको छ । उनको बैंकको ट्रान्जेसक्सन हेर्दा जनवरी १९ मा न्युयोर्कमा आउनका लागि टिकट किनेको जस्तो देखिएको छ । जनवरी ११ मा विहान ११ बजेतिर टिकट किनेको देखिएपनि त्यसपछि बैंक कार्डमा पनि कुनै ट्रान्जेक्सन नदेखिएको जनाइएको छ ।तर उनी टिकट लिएर न्युयोर्क आए नआएकोबारे केही खुलेको छैन ।
घटनालाई गम्भिरतापूर्वक लिन र म्याडिसन प्रहरीलाई ९७३ ५९३ ३००० मा फोन गरेर र न्युयोर्क प्रहरीलाई फोन गरेर शाहको खोजीमा सहयोगका लागि दवाव श्रृजना गरिदिन परिवारका तर्फबाट आग्रह समेत गरिएको छ ।