स्थानीय तहको चुनावको मतगणना जारी : प्रमुखमा एमाले र उपप्रमुखमा काँग्रेस अगाडि
प्रकाशित मिति : जेष्ठ १, २०७४ सोमबार
स्थानीय तहको चुनावको मत गणना जारी भइरहँदा प्रमुखमा ६४ स्थानमा एमाले अगाडि देखिएको छ भने ५७ स्थानमा नेपाली काँग्रेस अगाडि रहेको छ । त्यस्तै प्रमुखमा २८ स्थानमा माओवादी केन्द्र अगाडि देखिएको छ । उपप्रमुखमा भने एमाले ४३ स्थानमा, काँग्रेस ५१ स्थानमा र माओवादी केन्द्र २१ स्थानमा अगाडि रहेको छ ।
आइतवार भएको मतदानमा देशभर झण्डै ५० हजार उम्मेदवारहरुले उम्मेदवारी दिएका छन् । २० बर्षमा भएको स्थानीय तहको चुनावमा मतदाताहरु पनि निकै उत्साहित ढंगले सहभागी भएका थिए । कुल मतदाताहरुमध्ये ७१ प्रतिशत मतदान गरेको निर्वाचनलाई सफल रुपमा हेरिएको छ ।
सबैभन्दा ठूलोमध्येको निर्वाचन क्षेत्र काठमाडौंमा झण्डै १ मिटर लामो मतपत्र रहेको थियो भने ८७८ जना उम्मेदवारहरुले उम्मेदवारी दिएका छन् ।
नेपालमा यसअगाडि सन् १९९७ मा स्थानीय निकायको निर्वाचन भएको थियो । जसको पाँचबर्षे कार्यकाल सन् २००२ मा सकिएको थियो । त्यसपछि नेपालको राजनीतिक अवस्थाका कारण स्थानीय चुनाव हुन सकेको थिएन ।
