Follow @khasokhasmag

प्रधानमन्त्री र राजपाका नेताहरुबीच छलफल


प्रकाशित मिति : जेष्ठ १, २०७४ सोमबार

प्रधानमन्त्री पुष्पकमल दाहाल ‘प्रचण्ड’ र राष्ट्रिय जनता पार्टी, नेपालका नेताहरुबीच दोस्रो चरणको निर्वाचनका विषयमा केन्द्रित रहेर आज छलफल भएको छ ।

प्रधानमन्त्री निवास बालुवाटारमा भएको बैठकमा व्यवस्थापिका–संसद्मा प्रस्तुत संविधान संशोधन प्रस्तावलाई दुई तिहाइ मतका साथ पारित गर्ने सन्दर्भमा छलफल भएको प्रधानमन्त्रीको निजी सचिवालयले जनाएको छ ।

बैठकमा नेताहरुले स्थानीय तहको पहिलो चरणको निर्वाचन उत्साहपूर्ण ढङ्गले सम्पन्न भएकामा सन्तोष व्यक्त गर्दै दोस्रो चरणको निर्वाचन सम्पन्न गर्नुअघि दलहरुबीच आवश्यक सहमति र सहकार्यका बारेमा छलफल भएको थियो ।

राजपाका नेताहरुले आफूहरुको पूर्व धारणाअनुरुप दोस्रो चरणको निर्वाचनअघि नै संविधान संशोधन हुनुपर्ने माग राखेका थिए ।

बैठकमा राजपा नेपालका नेताहरु महन्थ ठाकुर, राजेन्द्र महतो, शरत्सिंह भण्डारी, महेन्द्रराय यादव, अनिलकुमार झा र राजकिशोर यादव सहभागी हुनुहुन्थ्यो । रासस

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com