विद्यार्थीमाथि यौन दुर्व्यवहार गरेको आरोपमा आरआर क्याम्पसका प्राध्यापक पक्राउ


प्रकाशित मिति : पुस २८, २०७७ मंगलबार

काठमाडौंको प्रदर्शनी मार्गस्थित रत्न राज्य लक्ष्मी (आरआर) क्याम्पसका एकजना प्राध्यापकलाई प्रहरीले पक्राउ गरेको छ । सामाजिक सञ्जालमार्फत क्याम्पसमा अध्ययनरत एक छात्रालाई अश्लिल शब्द प्रयोग गरी यौन दुर्व्यवहार गरेको आरोपमा ४५ वर्षीय प्राध्यापक विष्णुप्रसाद आचार्यलाई प्रहरीले पक्राउ गरेको हो ।

दुर्व्यवहारपछि पीडित छात्राले प्रहरीमा उजुरी दिएकी थिइन् । त्यसकै आधारमा प्राध्यापक आचार्यलाई कलेजबाटै सोमबार महानगरीय प्रहरी परिसर, काठमाडौंले पक्राउ गरेको हो । उनीमाथि अभद्र व्यवहारको मुद्दामा थप अनुसन्धान अघि बढाइएको प्रहरीले जनाएको छ ।

© 2024 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com