चिडियाखानामा रहेका गोरिल्लामा देखियो कोरोना संक्रमण
प्रकाशित मिति : पुस २८, २०७७ मंगलबार
गोरिल्लामा पनि कोरोना भाइरसको संक्रमण भेटिएको छ । अमेरिकास्थित सान डिएगो चिडियाखानामा रहेका दुईवटा गोरिल्लामा कोरोना संक्रमण देखिएको हो ।
चिडियाखानाका गर्भनर गामिन न्युसमले जारी गरेको विज्ञप्तिअनुसार गोरिल्लामा लक्षण नदेखिएका कर्मचारीमार्फत् कोरोना फैलिएको हो । दुईवटा गोरिल्लाहरुले खोक्न थालेपछि प्रारम्भिक परीक्षण गर्दा शुक्रबार उनीहरुमा भाइरस रहेको देखियो । सोमबार राष्ट्रिय भेटेरीनरी सेवा ल्याबोरेटेरीका लागि अमेरिकी विभागले यसको पुष्टि गरेको हो । यो पहिलो उदाहरण पनि हो ।
खोकी र रुघाबाहेक सबै गोरिल्लाहरुको अवस्था सामान्य रहेको र भाइरसले कतिसम्म असर गरेको छ भन्ने विषयमा थाहा नहुँदा गोरिल्लाहरुलाई निगरानीमा राखिएको बताइएको छ ।