मन्त्रिपरिषद्को आकस्मिक बैठकः राष्ट्रिय सभाको हिउँदे अधिवेशन अन्त्य गर्न सिफारिस


प्रकाशित मिति : पुस २६, २०७७ आईतबार

राष्ट्रिय सभाको जारी हिउँदे अधिवेशन अन्त्य गर्न सरकारले सिफारिस गरेको छ । आइतबार बिहान प्रधानमन्त्री निवास बालुवाटारमा बसेको मन्त्रिपरिषद्को आकस्मिक बैठकले हिउँदे अधिवेशन अन्त्य गर्न राष्ट्रपतिसमक्ष सिफारिस गरेको स्रोतले जानकारी दिएको छ । मन्त्रिपरिषदको नियमित बैठक सोमबार र बिहीबार बस्ने भएपनि प्रधानमन्त्री केही शर्मा ओलीले आज आकस्मिक बैठक डाकेका थिए ।

यस्तै, प्रधानमन्त्री ओलीले आज दिउँसो १ बजे राष्ट्रिय सभाको बैठकमा सम्बोधन गर्दै छन् । प्रतिनिधिसभा विघटनपछि पुस १७ गतेबाट राष्ट्रिय सभाको हिउँदे अधिवेशन सुरू भएको थियो ।

माघे संक्रान्तिमा सार्वजनिक बिदा दिने 

सरकारले माघे संक्रान्ति पर्वका अवसरमा सार्वजनिक बिदा दिने निर्णय गरेको छ । आइतबार बसेको मन्त्रिपरिषद बैठकले यस्तो निर्णय गरेको हो ।
© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com