नेपालमा थप ४१२ जनामा कोरोना संक्रमण, ४ को मृत्यु
प्रकाशित मिति : पुस २३, २०७७ बिहीबार
नेपालमा थप ४१२ जनामा कोरोना संक्रमणको पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका प्रयोगशालामा गरिएको परिक्षणमा ४१२ जनामा संक्रमण देखिएको हो ।
योसँगै नेपालमा कुल कोरोना संक्रमितको संख्या २ लाख ६३ हजार ६०५ पुगेको छ भने संक्रिय संक्रमितको संख्या ५ हजार ५८ रहेको छ ।
पछिल्लो २४ घण्टामा ४८३ जना कोरोना संक्रमणमुक्त भएका छन् । हालसम्म २ लाख ५६ हजार ६४४ संक्रमणमुक्त भएका छन् ।
यस्तै कोरोनाबाट थप ४ जनाको मृत्यु भएको छ । यससँगै नेपालमा कोरोनाबाट ज्यान गुमाउनको संख्या एक हजार ९ सय ३ पुगेको छ ।