‘संसद विघटनलाई असंवैधानिक हो भन्न मिल्दैन’ : गौतम
प्रकाशित मिति : पुस २३, २०७७ बिहीबार
राष्ट्रियसभा सदस्य वामदेव गौतमले संसद विघटन संवैधानिक भएको बताएका छन् । सर्वोच्च अदालतको संवैधानिक इजलासमा संसद विघटनको रिट पुगिसकेपछि संसद विघटन संवैधानिक भएको गौतमले बताए ।
राष्ट्रियसभा बैठकमा पहिलोपटक बोल्दै गौतमले प्रधानमन्त्री केपी ओलीको ठाउँमा आफू भएको भए राजीनामा दिने बताएका छन् । ‘म भएको भए राजीनामा दिन्थेँ । मेहनत गरेर निर्माण गरेको पार्टी जोगिन्थ्यो तर, उहाँले त्यस्तो गर्नुभएन ।’ उनले भने । पार्टीका नेताहरुले आफूविरुद्ध अविश्वासको प्रस्ताव लगिँदैछ भन्ने थाहा पाएपछि प्रधानमन्त्रीले राजीनामा दिनुपर्ने उनको भनाई थियो ।
उनले अहिले नेकपाभित्रको विभाजनमा आफू कुनै समूहमा नभएको पनि स्पष्ट पारे । गौतमले नेकपामा विभाजन रहेको र त्यसबाट आफू दुखी रहेको पनि बताए ।
