न्युयोर्कका नेपाली डा. शाहको भ्याक्सिन अनुभव: ‘दुई दिन ज्वरो आयो, तीन दिन शरीर दुख्यो’

प्रकाशित मिति : पुस १९, २०७७ आईतबार

न्युयोर्क निवासी नेपाली मूलका डाक्टर विनोद शाहले कोरोनाबिरुद्धको भ्याक्सिन लगाइसकेपछि आफूलाई दुईदिनसम्म ज्वरो आएको र झण्डै तीन दिनसम्म शरीर दुखेको बताउनुभएको छ । डिसेम्बर २९ मा दिउसो ३ बजे कोरोनाबिरुद्धको भ्याक्सिन लगाइसकेपछि आफूमा ज्वरो आउने र शरीर दुख्ने खालको साइड इफेक्ट देखिएपनि गम्भिर खालको कुनै साइड इफेक्ट नदेखिएको उहाँले जानकारी दिनुभयो ।

भ्याक्सिन लगाइसकेपछि आधाघण्टा कुनै नकारात्मक प्रतिकृया हुने नहुने निरिक्षण गरिने भएपनि आफूलाई त्यस्तो कुनै एलर्जिक प्रतिकृया भने नभएको उहाँले बताउनुभयो । राती १० बजेदेखि अलिअलि जिउ दुख्न सुरु गरेपनि भोलिपल्ट भने शरीर एकदमै दुखेको र एकसय डिग्री फरेनहाइटसम्म ज्वरो आएको उहाँले बताउनुभयो ।

दुई दिन निद्रा नलाग्ने, माशंपेशी दुख्ने र ज्वरो आउने समस्या भएपनि तेश्रो दिन भने सबै ठीकठाक भएको र ८० प्रतिशत निको भएको उहाँले बताउनुभयो । कुनै पनि भ्याक्सिन लगाउँदा जिउ तात्ने र पाखुरा दुख्ने हुनसक्ने भएकाले यसलाई सामान्य रुपमा लिनुपर्ने उहाँले बताउनुभयो ।

अलिअलि ज्वरो आएपनि र पाखुरा दुखेपनि त्यसले गर्ने फाइदा हेर्नुपर्ने तथा यस्तो प्रकारको प्रतिकृया देखिएपनि आत्तिन नहुने उहाँले सुझाव दिनुभयो । उहाँले भन्नुभयो – ‘एलर्जिक प्रतिकृयाबाहेक सामान्य प्रतिकृयाबाट नआत्तिकनै ज्यानै जोगाउने भ्याक्सिन लिन कोहीपनि हिचकिचाउनु हुँदैन ।’

डाक्टर शाह न्युयोर्कको वेष्टचेस्टर काउन्टीको स्कारडेल निवासी डाक्टर शाह न्युयोर्कको योंकर रिभरसाइडमा रहेको सेन्ट जोन्स अस्पतालमा समेत कार्यरत हुनुहुन्छ । उहाँ कोरोना संक्रमण भएर सिकिस्त बिरामी भई अस्पतालमा भर्ना समेत हुनुभएको थियो । केही समयको उपचारपछि उहाँ निको भएपनि लामो समय फोक्सोमा समस्या देखिएको थियो ।

डाक्टर विनोद शाहको भ्याक्सिन अनुभव सोमबार बेलुका न्युयोर्क समय राती ९ बजे खसोखासमा लाइभ हेर्ने प्रयास गर्नुहोला ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Resource Person: Bishwa Bahadur Shah
Goodwill Ambassador: Yam Baral
Magazine Layout: Deel Gurung

Contact Us

© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com