जग्गाको कित्ताकाट रोक्न सर्वोच्चको आदेश
प्रकाशित मिति : मंसिर २३, २०७७ मंगलबार
सर्वोच्च अदालतले जग्गाको कित्ताकाट खोल्ने सरकारको निर्णय कार्यान्वयन नगर्न आदेश जारी गरेकाे छ । मंगलबार प्रधानन्यायाधीश चोलेन्द्रशमशेर राणा र मनोजकुमार शर्माको संयुक्त इजलाशले जग्गाको कित्ताकाट रोक्न माग गर्दै अधिवक्ता सन्तोष भण्डारीले दायर रिटमा सुनुवाई गर्दै निर्णय कार्यान्वयन नगर्न आदेश दिएको हो ।
यसअघि भदौ २९ गते पनि सर्वोच्चले कित्ताकाट खोल्ने निर्णय कार्यान्वयन नगर्नू भन्दै अल्पकालीन अन्तरिम आदेश जारी गरेको थियो । भूमि व्यवस्था तथा गरिबी निवारण मन्त्रालयले गत भदौ १८ गते रोक्का रहेको जग्गाको कित्ताकाट खुलाउने निर्णय गरेको थियो ।