Follow @khasokhasmag

पत्रकार महासंघ कार्यालयमा तालबन्दी


प्रकाशित मिति : बैशाख २०, २०७४ बुधबार

नेपाल पत्रकार महासंघको केन्द्रीय कार्यालय र जिल्ला शाखा भोजपुरमा तालाबन्दी गरिएको छ ।
पत्रकार महासंघले भोजपुर जिल्ला शाखाको पाचौँ अधिवेशनमा मनोमानी गरेको भन्दै भोजपुरका तीन पत्रकार संगठन प्रेस युनियन, प्रेस सेन्टर र संघीय प्रेस फोरमले महासंघमा ताला लगाएका हुन् ।
महासंघ भोजपुरको पाँचौं जिल्ला अधिबेशनमा विवाद भएपछि दुई समिति बनेका थिए जसमा चौतारीको श्यामकृष्ण दाहाल नेतृत्वको समिती र अन्य तीन संगठनले चित्रान्ङगत चौलागाईको नेतृत्वमा अर्को समिति बनाएका थिए ।
यसैबीच नेपाल पत्रकार महासंघ काठमाडौं र भोजपुर शाखाको केन्द्रीय सभासद चयन गर्ने क्रममा भएका विवादास्पद कार्यप्रति नेपाल प्रेस युनियनले गम्भीर ध्यानाकर्षण भएको जनाएको छ ।

मंगलबार महासंघका महासचिव अजयबाबु शिवाकोटीले जारी गरेको विज्ञप्तीमा केन्द्रीय सभासद चयन गर्ने क्रममा कतिपय साथीहरु वैधानिक तवरबाट चयन भएपनि निर्वाचन समितिले तय गरेका सोहि मापदण्ड पुरा गरेर समर्थकहरुको हस्ताक्षर सहित आवेदन गरेका दर्जनौ पत्रकारहरुलाई हटाएर मनपर्दो ढंगबाट भएको सभासद चयनमा आफूहरुको असहमति रहेको जनाएका हुन् ।

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com