नेपालमा भएका अमेरिकी नागरिकलाई डिसेम्बर २ का लागि अमेरिकी राजदूतको निम्ता


प्रकाशित मिति : कार्तिक २८, २०७७ शुक्रबार

आगामी डिसेम्बर २ मा नेपालका लागि अमेरिकी राजदूत र्याण्डी बेरीको आयोजनामा नेपालमा रहेका अमेरिकी नागरिकको सहभागितामा भर्चुअल टाउन हल बैठक गरिने भएको छ । दिउसो ३ बजेदेखि ४ बजेसम्म हुने उक्त भर्चुअल टाउनहलमा उपस्थीतिका लागि नेपालमा रहेका सबै अमेरिकी नागरिकहरुलाई निमन्त्रणा गरिएको छ ।

अमेरिकी नागरिकता लिएका नेपालमा रहेका नेपाली अमेरिकनहरु पनि टाउनहलमा सहभागी हुनसक्नेछन् । तर सहभागी हुनका लागि नोभेम्बर २७ सम्म आफ्नो नाम र पासपोर्ट नम्बर दूतावासको इमेल ठेगाना [email protected] मा पठाउनुपर्नेछ ।

अमेरिकी दूतावास काठमाडौं

इमेल पठाइसकेपछि कार्यक्रमका लागि थप जानकारी र लग इन कोड पठाइने जनाइएको छ । अमेरिकी नागरिक तथा उनीहरुका दम्पत्ति र छोराछोरीहरुले भर्चुअल टाउनहलमा सहभागिता जनाउन सक्नेछन् ।

कार्यक्रममा सहभागीहरुलाई राजदूतले स्वागत गर्ने कार्यक्रम रहेको छ । साथै कन्सुलर प्रमुख, अमेरिकी नागरिक सेवा प्रमुख, क्षेत्रीय सुरक्षा अधिकारी र मेडिकल युनिटले समेत सम्बोधन गर्ने कार्यक्रम रहको छ । विगतका यो कार्यक्रम राजदूत निवासमा हुँदै आएकोमा यसपटक भर्चुअल रुपमा गर्न लागिएको हो ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com