राष्ट्रपतिमा निर्वाचित भइसकेपछि बाइडेनको पहिलो सम्बोधन: ‘तोड्ने होइन जोड्ने काम गर्छु’
प्रकाशित मिति : कार्तिक २२, २०७७ शनिबार
नवनिर्वाचित अमेरिकी राष्ट्रपति जो बाइडेनले तोड्ने होइन, एकअर्कालाई जोड्ने काम गर्ने बताएका छन् ।
राष्ट्रपतिमा निर्वाचित भएपछिको पहिलो सम्बोधनमा बाइडेनले भने – ‘मप्रति भरोसा देखाईएकोमा म धेरै खुसी छु। म यस्तो राष्ट्रपति हुने वाचा गर्दछु कि जसले तोड्नुको साटो जोड्ने काम गर्ने छ। जसले रातो र निलो रंगका राज्यहरु होइन, संयुक्त राज्य अमेरिका देख्नेछ । म तपाईंहरू सबैको विश्वास जित्नको लागि हृदयबाटै प्रयास गर्नेछु।’
बाइडेनले विशेष गरी अफ्रिकी अमेरिकी मतदाताहरूलाई धन्यवाद दिए । जसले मद्दतले सुरुवाती प्रतिस्पर्धामा पछाडि रहेका उनलाई सहयोग मिल्यो ।
बाइडेनले आफ्नो पहिलो काम कोरोना भाइरस महामारी नियन्त्रण गर्नु रहेको बताए । उनले सोमबार एउटा समूह घोषणा गर्ने, जसमा शीर्ष वैज्ञानिकहरू र विज्ञहरूले आफूहरुको महामारी नियन्त्रण योजनामा काम गर्ने बताए । यो योजना जनवरी २१, २०२० देखि लागू हुनेछ।
यो विजय अमेरिकी जनाताको भएको र आफूले अहिलेसम्म कसैले प्राप्त नगरेको झण्डै साढे ७ करोड भोट प्राप्त गरेको बाइडेनले बताए ।
बाइडेनले ट्रम्प समर्थकहरूलाई सम्बोधन गरे। उनले अब अब तीतो कथनबाट टाढा रहने समय आएको बताए । एक अर्कासँग फेरि भेट्ने र सुन्ने समय आएको उनले बताए । प्रतिद्वन्द्वीलाई शत्रुको रूपमा व्यवहार गर्न रोक्नुपर्ने र आफूलाई मत नदिनेहरुका लागि पनि आफूले उत्ति नै मिहिनेतका साथ काम गर्ने बाइडेनले बताए ।
कमला ह्यारिस अमेरिकाको पहिलो महिला राष्ट्रपति बनेकाले उनको भाषण मुख्यतया ऐतिहासिक रह्यो । कमलाले अमेरिकाको पहिलो महिला उप राष्ट्रपति भए पनि अन्तिम नहुने बताइन् । आफ्नो जीतले देश भरका महिलामा कुनै कुरा असम्भव नभएको सन्देश दिएको बताइन् ।
While I may be the first woman in this office, I will not be the last—because every little girl watching tonight sees that this is a country of possibilities.
— Kamala Harris (@KamalaHarris) November 8, 2020