कोरोना भाइरसको महामारीको समयमा होटलमा बस्नु सुरक्षित होला ?
प्रकाशित मिति : कार्तिक २१, २०७७ शुक्रबार
कोरोनाभाइरसको महामारी चलिरहेका बेला होटलमा बस्नु सुरक्षित होला की नहोला रु अहिले धेरै मानिसलाई यो प्रश्नले सताइरहेको पाइन्छ।
अमेरिकी रोग नियन्त्रण तथा निवारण केन्द्रले यस बारेमा धारणा सार्वजनिक गर्दै स्पष्ट पारेको छ। उसका अनुसार कोरोनासँग सुरक्षित रहनका लागि होटलमा बस्नुभन्दा घरमा बस्नु नै सुरक्षित हुनेछ। यदि तपाई यात्रामा हुनुहुन्छ भने होटलमा बस्नुपर्ने बाध्यता हुनसक्छ,ु केन्द्रले भनेको छ।
त्यसैगरी संयुक्त रुपमा भाडाको घरमा वा फ्ल्याटमा बस्नुहुन्छ भने पनि घरमै बस्नु भन्दा होटलमा बस्नु ठिक हुने केन्द्रको ठहर छ। तर आफ्नै घर हो, फ्ल्याट पनि छुट्टै छ भने घरमै बस्न सुझाव दिने गरेको केन्द्रका अधिकारीहरुले बताएका छन्। सँगसँगै खाने, सँगसँगै सुत्ने वा शौचालय पनि साझा हुने होटल तथा लजहरु सबैभन्दा असुरक्षित हुने उनीहरुको भनाइ छ।
होटलमै बस्नु परेमा वा भाडाका ठाउँहरुमा बस्नु परेमा कम्तिमा ७२ घण्टाभन्दा पछाडि कोही बसेको छैन भन्ने सुनिश्चित गरेर मात्रै बस्न पनि केन्द्रका चिकित्सकहरुले सुझाव दिएका छन्। त्यसरी बस्नु अगाडि पर्याप्त सेनिटाइजेसन गर्न वा किटाणु मार्ने उपायहरु गर्न क्यालिफोर्निया विश्वविद्यालयका संक्रमण विज्ञ डा। नतास्चा टुज्निकको जोड छ।
धेरै छोइने तथा प्रयोग हुने ढोका, झ्याललगायतका ठाउँमा साबुन पानी वा अन्य साबुनजन्य पदार्थले सफा गर्न वा कोठामा हावा खेल्ने बनाउन पनि उनले सुझाव दिएकी छन्। भाडामा बसिएका कोठामा पनि होटलका कोठाभन्दा धेरै सफा, सुरक्षित र हावा धेरै खेल्ने हुन सक्छ।
होटलमा बस्दा सबै सुरक्षाका उपायहरु के कत्तिको अवलम्बन गरिएको छ, सरसफाइको प्रक्रिया के छ, सामाजिक दुरी कायम गरिएको छ की छैन, साझा ठाउँ तथा सामग्रीहरुको प्रयोग भएको छ की छैन जस्ता विषयमा पनि ख्याल गर्न उनले आग्रह गरिन्। एपी