अमेरिकी राष्ट्रपति चुनावमा हजारौं नेपाली अमेरिकन सहभागी हुँदै


प्रकाशित मिति : कार्तिक १८, २०७७ मंगलबार

आज अमेरिकामा राष्ट्रपचि चुनावको मुख्य दिन हजारौं नेपाली अमेरिकनहरुले समेत मतदान गरिरहेका छन् । २०१६ को राष्ट्रपति चुनावको तुलनामा यो बर्ष मतदान गर्न योग्य नेपाली अमेरिकनको संख्या दोब्बर भएको अनुमान गरिएको छ ।

२०१६ को राष्ट्रपति चुनावमा मतदान गर्न योग्य नेपाली अमेरिकनहरु २५ हजारको हाराहारीमा रहेको अनुमान गरिएको थियो । यसपटक झण्डै ५० हजारको हाराहारीमा रहेको अनुमान गरिएको छ । अमेरिकी ग्रिनकार्ड लिइसकेका नेपालीहरु र नागरिकता लिन योग्य नेपालीहरुको संख्या हेर्दा २०२४ मा यो संख्या तीनगुणा बढ्ने अनुमान गरिएको छ ।

न्युयोर्कको ज्याक्सनहाइटमा मतदानपछि सेल्फी लिंदै लेखक राजन थपलिया ।

राष्ट्रपति चुनावमा सबैको मुख्य ध्यान ब्याटलग्राउण्ड राज्यहरु फ्लोरिडा र पेन्सिलभेनिया लगायततिर केन्द्रीत रहेको छ । यसपटकको चुनावमा नेपाली अमेरिकनहरु पनि निकै उत्साहतका साथ सहभागी भइरहेका छन् ।

सबैभन्दा धेरै नेपालीहरु न्युयोर्क, क्यालिफोर्निया र टेक्सासमा रहेका छन् । यद्यपी अन्य राज्यहरुमा पनि नेपालीहरुको उपस्थीति बाक्लो हुँदै गएको छ । नेपाली भाषी भुटानीहरुको संख्या पनि अमेरिकामा उल्लेख्य रहेको छ ।

कभर तस्वीर:  अमेरिकी राष्ट्रपति चुनावमा मतदानपछि न्युजर्सी निवासी डा. विष्णुमाया परियार ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com