कोरोना संक्रमणबाट मृत्यु भएका पूरुषको शव उत्खनन गरि ५ महिनापछि दाहसंस्कार
प्रकाशित मिति : कार्तिक १८, २०७७ मंगलबार
मृत्युपश्चात कोरोना संक्रमणको पुष्टि भएपछि अर्घाखाँचीका एक पूरुषको जमिनमुनि गाडिएको शवलाई करिब ५ महिनापछि निकालि दाहसंस्कार गरिएको छ । गत जेठ १६ गते भारतको महाराष्ट्रबाट आएर अर्घाखाँचीको मालारानी गाउँपालिका वडा नं. ४ ब्याडापाटाको सार्वजनिक आधारभुत विद्यालयमा रहेको क्वारेन्टाइनमा बसेका सोही ठाउँकै ५७ बर्षिय यमप्रसाद खनालको उपचारका लागि बुटबल गएर फर्कर्दै गर्दा जेठ २८ गते बाटोमै मृत्यु भएको थियो ।
क्वारेन्टाइनमै मृत्यु भएपछि उनको प्रादेशिक जनस्वास्थ्य प्रयोगशाला भैरहवामा गरिएको परीक्षणमा कोरोना संक्रमणको पुष्टि भयो । कोरोना संक्रमण देखिएपछि उनको शवलाई २ दिनसम्म खुल्ला चौरमा राख्न परिवारका सदस्य बाध्य भएका थिए । र, उनको शवलाई जमिनमुनी गाडिएको थियो ।
त्यतीबेला परिवारले शव व्यवस्थापन गर्न र परम्परा अनुसार काजकिरिया गर्न नपाएपछि ४ महिनापछि शव उत्खनन गरेर परम्परा अनुसार अन्त्येष्टि गरिएको परिवारका आफन्त प्रकाश खनालले बताए ।