चुनाव बैशाख ३१ मै हुनेमा कांग्रेस प्रतिबद्ध
प्रकाशित मिति : बैशाख १८, २०७४ सोमबार
नेपाली कांग्रेसले २० वर्षपछि हुन लागेको स्थानीय तहको चुनावलाई ऐतिहासिक भन्दै चुनाव बैशाख ३१ मै हुने बताएको छ ।
पार्टी केन्द्रीय कार्यालय सानेपामा सोमबार आयोजित पत्रकार भेटघाटमा चुनाव प्रचारप्रसार समितिका संयोजक रमेश लेखक भने नेपाली कांग्रेस यो निर्वाचन ३१ गते नै सम्पन्न गर्ने कुरामा प्रतिबद्ध छ । हामीले अठोट गरेका छौं तोकिएको समयमा सम्पन्न हुन्छ । यसका कार्यक्रमहरु तोकिएको समयमा सम्पन्न हुने बताए ।
प्रधानन्यायाधीश सुशीला कार्कीविरुद्धको महाअभियोग प्रस्तावमा असन्तुष्टि जनाउँदै पार्टीका नेता बिमलेन्द्र निधिले उपप्रधान तथा गृहमन्त्री पदबाट राजीनामा दिएपछि चुनावमा आशंका व्यक्त भइरहेका बेला कांग्रेसले चुनाव कुनै हालतमा नसर्ने जनाएको हो ।
निर्वाचनको प्रचार प्रसार जारी राखेको कांग्रेसले उम्मेदवार छनोटको अन्तिम तयारी भइरहेको समेत कांग्रेस जानकारी दिएको छ ।