राप्रपाले गर्यो सरकारबाट बाहिरिने निर्णय
प्रकाशित मिति : बैशाख १८, २०७४ सोमबार
राष्ट्रिय प्रजातन्त्र पार्टी (राप्रपा)ले सरकार छाड्ने निर्णय गरेको छ ।
केन्द्रीय कार्यालय धुम्बाराहीमा सोमबार बसेको कार्यसम्पादन समितिको बैठकले सरकारबाट बाहिरिने निर्णय गरेको हो । प्रधानन्यायाधीश सुशीला कार्कीविरुद्ध सत्तारुढ नेपाली कांग्रेस र नेकपा माओवादी केन्द्रका दुई सय ४९ सांसदको हस्ताक्षरसहित संसद् सचिवालयमा महाअभियोगको प्रस्ताव दर्ता गरेलगत्तै राप्रपाले सरकारबाट बाहिरिने निर्णय गरेको हो । प्रधानन्यायधिश सुशीला कार्कीविरुद्ध महाअभियोग प्रस्ताव का“ग्रेस र माओवादी केन्द्र गठबन्धनले संसदमा दर्ता गराएपछि राप्रपा असन्तुष्ट रह“दै आएको थियो । महाअभियोग प्रस्तावलाई अनैतिक, न्यायिक स्वतन्त्रतामाथिको हस्तक्षेप भन्दै विरोध जनाउ“दै आएको थियो । पार्टीले सरकारबाट बाहिरिने गरी गरेको निर्णय प्रधानमन्त्री पुष्पकमल दाहाल प्रचण्डलाई जानकारी गराइसकेको पार्टी अध्यक्ष कमल थापाले जानकारी दिनुभयो ।
राष्ट्रिय प्रजातन्त्र पार्टीले निर्वाचनलाई नै नकारात्मक असर पर्ने गरी प्रधानन्यायधिश कार्कीमाथि लगाइएको महाअभियोग तत्काल फिर्ता लिन पनि सत्तारुढ का“ग्रेस र नेकपा माओवादी केन्द्रस“ग माग गरेको छ । माओवादी केन्द्रका अध्यक्ष पुष्पकमल दाहाल प्रचण्ड नेतृत्वको सरकारमा राप्रपाबाट उपप्रधान, संघीय मामिला तथा स्थानीय विकास मन्त्री कमल थापासहित चार मन्त्री सहभागी थिए ।