न्युयोर्क सिटीमा मतदानबारे जानकारी १७ सहित नेपालीमा समेत, मतदानस्थलमा अनुवादक ल्याउन सकिने


प्रकाशित मिति : कार्तिक १२, २०७७ बुधबार

न्युयोर्क सिटीमा मतदानबारे जानकारी अन्य १७ सहित नेपालीभाषामा समेत उपलब्ध गराइएको छ । कसरी मतदान गर्ने भन्ने सन्दर्भमा नेपाली भाषामा विभिन्न सामाग्रीहरु उपलब्ध गराइएको आज आयोजित राउण्डटेवलमा जानकारी दिइएको छ ।

मेयर बिल ब्लाजिओ, डेपुटी मेयर फिल थम्पसन लगायतको सहभागितामा आयोजित राउण्ड टेवलमा यसबारे जानकारी दिइएको हो । मतदान स्थलमा नेपाली अनुवादक आवश्यक परेमा मतदाता आफैले ल्याउन सक्ने र उक्त अधिकारको उपयोग गर्न नेपाली मतदाताहरुलाई आग्रह समेत गरिएको छ ।

राउण्डटेबलमा बोल्दै मेयर ब्लाजिओ ।

 न्युयोर्क सिटीले नेपाली भाषामा तयार पारेको सामाग्री पढ्न यहाँ क्लीक गर्नसक्नुहुनेछ ।

सबै अल्पसंख्यक समुदायले समेत निर्वाध रुपमा मतदान गर्ने कुरा सुनिश्चित गर्न आफूहरु प्रयत्नरत रहेको मेयर बिल ब्लाजिओले जानकारी दिए । मतदानस्थलमा कुनै विभेद भएमा तुरुन्तै ३११ मा सम्पर्क गर्न र तुरुन्तै सहयोग उपलब्ध गराइने डेपुटी मेयर फिल थम्पसनले जानकारी दिए ।

राउण्डटेबलमा बोल्दै उमेयर फिल थम्पसन ।

न्युयोर्क राज्यमामात्र ७ हजारभन्दा धेरै नेपाली अमेरिकन मतदाताहरु रहेको अनुमान गरिएको छ । नेपाली भाषी मतदाताहरुको संख्या भने त्यो भन्दा अझ बढी रहेको छ । अमेरिकाभर झण्डै ५० हजार नेपाली अमेरिकन मतदाताहरु रहेको अनुमान गरिएको छ । नेपाली भाषी मतदाताहरुको संख्या भने त्यो भन्दा कैयन गुणा बढी छ ।

अमेरिकामा राष्ट्रपति चुनाव आउन झण्डै एकसातामात्र बाँकी रहेको छ । नेपाली अमेरिकन र नेपालीभाषी अमेरिकनहरुले यसपटक विगतका बर्षको तुलनामा अझ सकृयताका साथ राष्ट्रपति चुनावमा सहभागिता जनाइरहेका छन् ।

© 2023 KHASOKHAS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com