Follow @khasokhasmag

एसाइलमबाट ग्रिनकार्ड स्वीकृत भएको ३ बर्ष ९ महिनामा नागरिकता आवेदन दिन सकिनेबारे युएससीआईएस


प्रकाशित मिति : आश्विन १२, २०७७ सोमबार

Citizenship

अमेरिकी सरकारको युएससीआईएसले अक्टोबर २ बाट नागरिकता आवेदन शुल्कमा झण्डै दोब्बर बृद्धि गर्दैछ । त्यसैले अमेरिकी नागरिकताका लागि आवेदन दिन इच्छुक र योग्यहरुलाई उक्त मिति भन्दा अगाडि नै नागरिकता आवेदन दिन सुझाव दिइएको छ ।

एसाइलमबाट ग्रिनकार्ड स्वीकृत भएको मितिले ४ बर्षमा अमेरिकी नागरिकता प्राप्त गर्न योग्य हुने प्रावधान रहेको छ । अर्थात् एसाइलमबाट ग्रिनकार्ड पाउनेहरुले आई ४८५ आवेदन स्वीकृत भएको मितिले ३ बर्ष ९ महिनामा अमेरिकी नागरिकताका लागि आवेदन दिन सक्छन् ।

युएससीआईएसले पनि यसबारेमा स्पष्ट भाषामा व्याख्या गरेको छ । आई ४८५ आवेदन स्वीकृत भएको मितिले एकबर्ष अगाडिदेखि नै एसाइलम गरेकाहरुलाई स्थायी बासिन्दाका रुपमा गणना गरिने भएकाले आई ४८५ आवेदन स्वीकृत भएको एकबर्ष अगाडिदेखि गणना गरेर ५ बर्षमा एसाइलम गरेकाहरुले अमेरिकी नागरिकता प्राप्त गर्नसक्ने युएससीआईएसले स्पष्ट पारेको छ ।

युएससीआईएसले गरेको ब्याख्याको स्क्रीनशट

एसाइलमबाट ग्रिनकार्ड प्राप्त गर्नेहरुको ग्रिनकार्ड जारी मिति सामान्यतया आई ४८५ आवेदन स्वीकृत भएको एकबर्ष अगाडिदेखि राखिन्छ । तर ग्रिनकार्डमा युएससीआईएसले आई ४८५ स्वीकृत भएको मिति जारी गरेको भएतापनि एकबर्ष अगाडिदेखि गणना गरेर अमेरिकी नागरिकताका लागि आवेदन दिने अधिकारमा कुनै असर गर्दैन ।

त्यस्तै शरणार्थीका सन्दर्भमा अमेरिका प्रवेश गरेको मितिले ५ बर्षमा अमेरिकी नागरिकता प्राप्त गर्न सकिने प्रावधान रहेको छ । युएससीआईएसका अनुशार अमेरिकामा शरणार्थीका रुपमा प्रवेश गर्नेहरुले ग्रिनकार्ड जहिले प्राप्त गरेपनि अमेरिकी नागरिकताका लागि आवेदन भने प्रवेश गरेको मितिबाट ५ बर्षपछि प्राप्त गर्नसक्छन् ।

अमेरिकी नागरिकसँग विवाह गरेर ग्रिनकार्ड प्राप्त गरेकाहरुले ग्रिनकार्ड प्राप्त गरेको मितिले ३ बर्षमा नागरिकता प्राप्त गर्नसक्छन् । जसका लागि उनीहरुले ३ बर्ष पुग्नुभन्दा ९० दिन अगाडि आवेदन दिनसक्छन् ।

अन्यले भने अमेरिकी नागरिकता प्राप्त गर्नका लागि ग्रिनकार्ड स्वीकृत भएको मितिले ५ बर्ष पुरा भएको हुनुपर्छ । जस अन्तरगत ५ बर्ष पुग्नुभन्दा ९० दिन अगाडि अर्थात् ४ बर्ष ९ महिनामा आवेदन दिन सक्छन् । तर अमेरिकी नागरिकताका लागि आवेदन दिन चाहने ग्रिनकार्डवाहकले अमेरिकामा उपस्थीति लगायतका अन्य कैयन मापदण्डहरु पूरा गरेको हुनुपर्छ ।

एसाइलमबाट ग्रिनकार्ड स्वीकृत भएको ३ बर्ष ९ महिना भयो, नागरिकता आवेदन दिनसक्छु ?

 

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com