राष्ट्रपतिद्वारा तेजाबलगायत तीन अध्यादेश जारी
प्रकाशित मिति : आश्विन १२, २०७७ सोमबार
![](https://i0.wp.com/www.khasokhas.com/wp-content/uploads/2020/05/Bidhya_bhandari.jpg?fit=900%2C560&ssl=1)
राष्ट्रपति विद्यादेवी भण्डारीले नेपालको संविधानको धारा ११४ को उपधारा १ बमोजिम मन्त्रिपरिषद्को सिफारिशमा तेजाबलगायत विषयका तीन अध्यादेश आज जारी गरेका छन् ।
ती अध्यादेशमा तेजाब तथा अन्य घातक रासायनिक पदार्थ नियमन, फौजदारी कसूर तथा फौजदारी कार्यविधिसम्बन्धी केही नेपाल ऐन संशोधन गर्ने र नेपाल प्रहरी र प्रदेश प्रहरी कार्यसञ्चालन, सुपरीवेक्षण र समन्वय पहिलो संशोधन रहेको राष्ट्रपति कार्यालयका प्रवक्ता हरिप्रसाद दाहालले विज्ञप्तिमार्फत जानकारी दिएका छन् ।