नेपालका यी ५ स्यानिटाइजरमा भेटियो विषाक्त रसायन, उत्पादनमा प्रतिबन्ध
प्रकाशित मिति : भाद्र २७, २०७७ शनिबार
औषधि व्यवस्था विभागले मानव स्वास्थ्यमा असर गर्ने खालको रसायनद्वारा निर्मित स्यानिटाइजर उत्पादन तथा बिक्री भइरहेको पाइएको भन्दै विभिन्न पाँच कम्पनीलाई स्यानिटाइजर उत्पादनमा प्रतिवन्ध लगाएको छ ।
विभागका अनुसार मापदण्डविपरीत स्यानिटाइजर उत्पादन गर्ने उद्योगहरुमा नेपाल कायाकल्प उद्योग, काठमाडौंका हाइजिन सोप एन्ड केमिकल, आधार केमिकल्स एन्ड फुड इन्डस्ट्री, सर्च केमकम हर्बल प्रोडक्ट र सूर्यमुखी हर्बल प्रोडक्टस रहेका छन् । यी कम्पनीले बजारमा बिक्री वितरण गरिरहेका इन्सटेन्ट ह्यान्ड सेनिटाइजर, इन्सटेन्न्ट ह्यान्ड स्यानिटाइजर ओरिजिनल, एड्भान्स ह्यान्ड स्यानिटाइजर, इन्सटेन्ट ह्यान्ड स्यानिटाइजर रिफ्रेसिङ जेल र सूर्यमुखी ह्यान्ड स्यानिटाइजर हुन् ।
हानिकारक रसायन प्रयोग गरेको पाइएपछि ती स्यानिटाइजर प्रयोग नगर्न विभागले सुझाव दिएको छ। साथै, यी कम्पनीलाई स्यानिटाइजर उत्पादनमा रोक लगाइएको छ ।
