KHASOKHAS ON GOOGLE NEWS Fact Checking Stories of Hope Resource Center Donate to Khasokhas KHASOKHAS MAGAZINE Terms of Service/Privacy Policy (English)

न्युयोर्कमा काम गुमाएकाहरुको खातामा आगामी साता ९ सय डलर पठाइने

प्रकाशित मिति : भाद्र २५, २०७७ बिहीबार

न्युयोर्कमा कोरोना महामारीका कारण काम गुमाएकाहरुले बेरोजगारी विमा वा महामारी बेरोजगारी सहायता रकमका अतिरिक्त साप्ताहिक ३ सय डलर आगामी साता प्राप्त गर्ने भएका छन् । राष्ट्रपति डोनाल्ड ट्रम्पको कार्यकारी आदेश अनुशार अगस्त १ को सातादेखि नै यो रकम प्राप्त गर्ने जनाइएको छ ।

केही राज्यहरुले उक्त रकम ६ साताका लागिमात्र प्राप्त भएको बताएका छन् । तर न्युयोर्कलाई संघीय कोषबाट उक्त रकम कतिसाताका लागि प्राप्त हुने भन्नेबारे अझै निश्चित छैन । झण्डै २४ लाख न्युयोर्कबासीहरु अतिरिक्त साप्ताहिक ३ सय डलरका लागि योग्य रहेको जनाइएको छ । उनीहरुलाई तीनसाताको ९ सय डलर पठाइनेछ ।

झण्डै ४ लाख ३५ हजारले भने उक्त रकम प्राप्त गर्नका लागि अतिरिक्त प्रमाणिकरण गर्नुपर्ने जनाइएको छ । त्यसका लागि भोलिदेखि अनलाइनमा नयाँ प्रणाली राखिने भएको छ । महामारीको समयमा न्युयोर्क राज्यले झण्डै ३५ लाखलाई झण्डै ४४ बिलियन डलर प्रदान गरिसकेको छ ।

अहिलेसम्म संघीय आपतकालिन व्यवस्थापन एजेन्सीले न्युयोर्कबासीहरुका लागि तीनसाताका लागि साप्ताहिक ३ सयका दरले रकम निकाशा गरिसकेको छ । अगस्त २, अगस्त ९ र अगस्त १६ को साताका लागि रकम निकाशा भइसकेको न्युयोर्क राज्यको डिपार्टमेन्ट अफ लेबरले जनाएको छ ।

उक्त रकमका लागि झण्डै २० लाख न्युयोर्कबासीहरु पहिले नै योग्य भइसकेका छन् । उनीहरुले यो रकम प्राप्त गर्नका लागि कुनै कदम चाल्नुनपर्ने र आगामी सातादेखि खातामा रकम पठाइने भएको छ । पहिले नै योग्य भइसकेकाहरुलाई डिपार्टमेन्ट अफ लेवरले इमेल वा टेक्स्ट मेसेज पठाएर जानकारी गराउने भएको छ ।

अरु ४ लाख ३५ हजारले भने अनलाइन वा फोनमार्फत सेप्टेम्बर ११ देखि अतिरिक्त प्रमाणिकरण गर्नुपर्ने भएको छ । अनलाइनबाट प्रमाणिकरण गर्नेहरुका लागि डिपार्टमेन्ट अफ लेवरले सेप्टेम्बर ११ मा डकुसाइनमार्फत इमेल पठाउनेछ । फोनबाट प्रमाणिकरण गर्नेहरुले ८३३ ४९१ ०६३२ मा फोन गरेर प्रमाणिकरण गर्नसक्नेछन् ।

सेप्टेम्बर १५ को बेलुका ५ बजेसम्म प्रमाणिकरण गरेकाहरुले आगामी साता तीनसाताको ९ सय डलर रकम प्राप्त गर्नेछन् । त्यो बाहेक अतिरिक्त साताका लागि रकम प्राप्त हुने नहुने भने निश्चित नभएको जनाइएको छ ।

KHASOKHAS EDITORIAL TEAM

Editor-in-Chief : Kishor Panthi
Deputy Editor-in-Chief : Ashmita Khadka
Executive Editor : Anil Adhikari
English Editor: Rajan Thapaliya
Editor: Deepak Pariyar
Editor (Business/US Politics) : Suresh Shahi
Multimedia Editor/Presenter : Kiran Marahatta
Europe Editor: Hari Krishna Panthi
Online Editors: Suraj Ghimire, Bikram Khatri, Aashish Khanal, Dikshya Panthi
Chief Photographer: Dipendra Dhungana
Editor (Empowerment) : Sapana Pariyar

KHASOKHAS TEAM

Resource Person: Bishwa Bahadur Shah
Goodwill Ambassador: Yam Baral
Magazine Layout: Deel Gurung

Contact Us

© 2012-2020 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com