Follow @khasokhasmag

एसिड छ्याप्‍नेलाई कारबाहीका लागि तत्काल नयाँ कानुन बनाउन प्रधानमन्त्री ओलीको निर्देशन


प्रकाशित मिति : भाद्र २५, २०७७ बिहीबार

प्रधानमन्त्री केपी शर्मा ओलील तेजाब प्रहार गर्नेमाथि अमानवीय र जघन्य अपराधका कसुरमा कारवाही गर्न अध्यादेशमार्फत तत्काल नयाँ कानून बनाइने बताएका छन् । बिहीबार प्रधानमन्त्री निवास बालुवाटारमा देशभरि एसिड आक्रमणका घटनाहरूमा परेकामध्ये १२ जना पीडितहरु सँग छलफल गर्दै त्यस्ता अपराधीलाई हदैसम्म दण्डित गर्नेगरी नयाँ कानुन बनाउन कानुनमन्त्री र संबद्ध निकायलाई निर्देशन दिएका हुन् ।

प्रधानमन्त्री ओलीले तेजाबलगायत घातक रसायन गरी अङ्गभङ्ग तुल्याउने अपराधीको सम्पत्ति रोक्का गरी पीडितको उपचार गर्ने र क्षतिपूर्ति भराउने, भरणपोषण गर्ने तथा तिनलाई छिटो अस्पताल पु¥याएर उपचार गर्न सबैले सघाउनुपर्ने व्यवस्था गरिने पनि जानकारी दिए ।पीडितलाई वीर र शिक्षण अस्पतालमा उपचारको प्रवन्ध मिलाउने र पीडितको सम्पूर्ण खर्च सरकारले व्यहोर्ने पनि उनले बताए ।

एसिड आक्रमण पछि पढ्न चाहनेहरूका लागि निःशुल्क पठनपाठनको प्रबन्ध सरकारले गर्ने उनको भनाई छ । हरेक वर्ष सेप्टेम्बर १० लाई एसिड आक्रमण विरूद्दको जागरण दिवसका रूपमा मनाउने गरी अघि बढ्न समेत उनले सबैलाई आह्वान गरेका छन् ।

तस्बिर : प्रधानमन्त्रीको सचिवालय

© 2022 KHASOKHAS®. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com