सेप्टेम्बरको अन्त्यदेखि चुनावसम्म फेसबुक र इन्स्टाग्राम निस्कृय बनाउनेलाई १२० डलर
प्रकाशित मिति : भाद्र २३, २०७७ मंगलबार
फेसबुकले सेप्टेम्बरको अन्त्यदेखि नोभेम्बरमा हुने अमेरिकी राष्ट्रपतिको चुनावसम्म फेसबुक र इस्टाग्राम एकाउन्ट निस्कृय बनाउनेहरुलाई १२० डलरसम्म रकम दिने भएको छ । मतदानमा सामाजिकसञ्जालको प्रभावबारे जान्न यस्तो योजना ल्याइएको फेसबुकले जनाएको छ ।
फेसबुक प्रवक्ता लिज बर्गियसले ट्वीट गर्दै सर्वेक्षणमा भाग लिने वा फेसबुक एकाउन्ट निस्कृय बनाउने वा इन्स्टाग्राम एकाउन्ट निस्कृय बनाउनेलाई क्षतिपूर्ति दिइने बताएकी छिन् । यसमा २ लाखदेखि ४ लाख व्यक्तिले भाग लिने फेसबुकले अपेक्षा गरेको छ ।
Anyone who chooses to opt in – whether it’s completing surveys or deactivating FB or IG for a period of time – will be compensated. This is fairly standard for this type of academic research. More here: https://t.co/uw4B8XhsYY
— Liz Bourgeois (@Liz_Shepherd) September 3, 2020
प्रतिनिधिहरु र केही व्यक्तिलाई यो अध्ययनमा भाग लिनका लागि छनौट गरिने र सुचित गरिने फेसबुकले जनाएको छ । सम्भावित सहभागीहरुले फेसबुक वा इन्स्टाग्राममा त्यस्तो प्रकारको सुचना देख्नेछन् । यसमा अमेरिकामा हुनेलेमात्र भाग लिन पाउनेछन् ।
विस्तृत जानकारी फेसबुकको यो सुचनामा उल्लेख छ ।
अमेरिकामा रहेका बयस्क जनसंख्यालाई लक्ष्यित गरेर यो अध्ययन गरिन लागेको हो । यो अध्ययनको निष्कर्ष अर्कोबर्ष सार्वजनिक हुने जनाइएको छ । यो रिसर्ज स्वतन्त्र डाटा वैज्ञानिकहरुले गरेको फेसबुकले जनाएको छ ।
फेसबुकका सीईओ मार्क जुकरबर्गले गतविहिबार एउटा घोषणा गर्दै फेसबुकले चुनावको एकसाता अगाडिदेखि राजनीतिक विज्ञापन बन्द गर्ने बताएका छन् । अमेरिकी चुनावमा फेसबुकको विज्ञापनलाई उम्मेदवारहरुले ब्यापक रुपमा प्रयोग गरिरहेका छन् ।