बेरोजगारी विमा वा महामारी बेरोजगारी सहायता एकदिन ढिलो हुने
प्रकाशित मिति : भाद्र २०, २०७७ शनिबार
आवेदकहरुले यो साताको बेरोजगारी विमा वा महामारी बेरोजगारी सहायता एकदिन ढिलो प्राप्त गर्ने भएका छन् । न्युयोर्क डिपार्टमेन्ट अफ लेवरका अनुशार आवेदकहरुले यो साताको रकम सोमबार प्राप्त नगरी मंगलबार प्राप्त गर्नेछन् ।
सोमबार लेबर डेको अवशरमा विदा भएकाले बैंकहरु बन्द हुँदा रकम प्राप्त गर्न एकदिन ढिलो हुने भएको हो । खासगरी आइतबार वा सोमबार साप्ताहिक प्रमाणीकरण गर्दै आएकाहरुका सन्दर्भमा यो लागु हुनेछ ।
यसबारेमा डिपार्टमेन्ट अफ लेवरमा सम्पर्क गर्न आवश्यक नभएको जनाइएको छ । रकम ढिलो भयो भनेर फोन गर्नुको साटो एकदुई दिनपछि बैंक एकाउन्ट चेक गर्न न्युयोर्क डिपार्टमेन्ट अफ लेवरले जानकारी दिएको छ ।
अमेरिकी राष्ट्रपति डोनाल्ड ट्रम्पको कार्यकारी आदेशले व्यवस्था गरेको साप्ताहिक ३ सय डलर न्युयोर्कमा कहिलेसम्म प्राप्त हुनेभन्नेबारे अहिलेसम्म केही बताइएको छैन । फेमाले यो रकम स्वीकृत गरिसकेपनि न्युयोर्क डिपार्टमेन्ट अफ लेवरले प्राप्त गरे नगरेको पनि केही बताइएको छैन ।
न्युयोर्कमा बेरोजगारी विमा वा महामारी बेरोजगारी सहायता रकम पाइरकेका सम्पूर्ण रुपमा वा आंशिक रुपमा काम गुमाएकाहरु यो रकमका लागि योग्य हुने बताइएको छ । यो रकम अगस्त १ देखिकै साताबाट प्राप्त हुनेछ ।
Due to bank closures on Monday (9/7) for Labor Day, there will be a one-day delay in benefit payment processing if you typically certify on Sunday or Monday.
There is no need to call the DOL about this—check back online in 1-2 business days to confirm your payment was released. pic.twitter.com/HPtmNIFAIi
— NYS Department of Labor (@NYSLabor) September 4, 2020