Follow @khasokhasmag

  डिसीमा जनैपूर्णिमा


प्रकाशित मिति : भाद्र ५, २०७३ आईतबार

– विजय थापा 
 
धर्म र संस्कृतिको रक्षा गर्ने मूल नाराको साथ स्थापना भएको डिसी नेपाली समाजले बिगतका बर्षहरुमा झैँ २०७३ सालको जनैपूर्णिमा बिशेष भब्यताको साथ सम्पन्न गर्न सफल भएको छ l आयोजक डिसी नेपाली समाज भएता पनि डिसी महानगर क्षेत्रका अन्य संघ तथा संस्थाको बिशेष सक्रियता तथा सहयोगमा सम्पन्न जनैपूर्णिमा मा अन्य सघ तथा संस्थाका स्वयम् सेवकहरु खटेका थिए l 
 
डिसी महानगर क्षेत्र सेरोफेरोका श्रद्धालु भक्तजनहरुका लागि गत अगस्त १८  तारिख बिहिबार जनैपूर्णिमा वैदिक विधिअनुसार जनै तथा रक्षाबन्धन पूजन एबम् धारणको कार्यक्रम बिहान देखि सांझ सम्म चलेको थियो l बिहान ७ बजे देखि साँझ ७ बजे सम्म समय राखिएता पनि नेपाली समुदायको आग्रहमा बिहान ७ बजे देखि ९ बजे सम्म जनै पुर्णिमा चलेको थियो l
 
बिहिबार कामको समय परेकोले उपस्थिति कम आउने अनुमान गरिएता पनि झन्डै  १ हजार ४ सय को हाराहारी मा  श्रद्धालु भक्तजनहरु आएका थिए l क्वाटी ,पुलाउ ,अचार ,हलुवा ,तर्बुजा आदि खुवाईएको जानकारी समाजका उपाधक्ष्य दधिराम ढुंगानाले दिए l
 
संस्थाका सभापति अरुण रुपाखेतीले जनै तथा रक्षाबन्धन संस्थाले ७ औ पटक मनाएको भन्दै चाड पर्वमा नेपाली समुदायको बाक्लो उपस्थितिले आफु अझ उत्साहित भएको बताए l   
 
डिसी महानगर क्षेत्रका प्रसिद्ध पण्डित राजेन्द्र खनाल तथा अन्य पण्डितहरु द्वारा आउने सबैलाई जनै लगाई दिनुको साथै रक्षाबन्धन पूजन ,शान्ति यज्ञ तथा अन्य पूजा अर्चना गरेका थिए l यस पालीको कार्यक्रम भजन कृतन गरि कार्यक्रम सम्पन्न गरिएको थियो l

   न्युयोर्क स्टेट, डिपार्टमेन्ट अफ स्टेट, डिभिजन अफ कर्पोरेशन, दर्ता नम्बर: ५२५५२५८

नमस्ते मिडिया इन्क.

न्युयोर्क, अमेरिका

© 2021 KHASOKAHS. All Rights Reserved.
Khasokhas is not responsible for the content of external sites and user generated contains. We don't collect comments on this site.
DEVELOPED BY appharu.com