आगलागीबाट एकै परिवारका तीन बालबालिकाको मृत्यु
प्रकाशित मिति : बैशाख ११, २०७४ सोमबार
बाँकेमा आगलागीमा एकै परिवारका तीन बालबालिकाको मृत्यु भएको जनाईएको छ ।
जिल्ला प्रहरी कार्यालयका प्रहरी निरीक्षक वीरबहादुर थापाका अनुसार बाँकेको डुडवा गाउपालिकास्थित कुडवामा आइतबार राति १२ बजे सुरु भएको आगलागीमा मुन्सीराम मुराउका तीन छोराछोरीको मृत्यु भएको हो ।
मुन्सीरामका १० वर्षे छोरी सोनी, ८ वर्षीया राधा मुराउ र ६ वर्षीय पवन मुराउको जलेर घटनास्थलमै मृत्यु भएको जनाईएको हो ।
आगलागीमा स्थानीयका ६ वटा घर र दुइटा गोठ जलेर खरानी भएका छन् ।