रुपन्देहीमा कार दुर्घटना – ३ जनाको मृत्यु
प्रकाशित मिति : श्रावण २३, २०७७ शुक्रबार
रुपन्देहीमा कार दुर्घटनामा परी ३ जनाको मृत्यु भएको छ। मृत्यु हुनेमा रुपन्देही सिद्धार्थनगर नगरपालिका वार्ड नं.४ बस्ने बर्ष २७ को देबेन्द्र चौधरी ,रुपन्देही कोटहीमाई गाउँपालिका वार्ड नं.३ मर्यादपुर बस्ने बर्ष २८ को नौसाद दर्जी र नवलपरासी रामग्राम नगरपालिका वार्ड नं.१ २ पथगावा बस्ने बर्ष १२ को प्रदिप ठाकुर रहेका छन् ।
गएराति परासीबाट भैरहवातर्फ आउँदै गरेको लु २ च ६७५६ नं. को कार रोहिणी गाउँपालिका-४ छिपागड स्थित हुलाकी सडक खण्डमा दुर्घटनामा परेको थियो । अनियन्त्रित भइ पल्टिँदा कार सडकबाट १० मिटर तल खसेको थियो । कारमा सवार ४ जना घाइतेहरूलाई उपचारको लागि भिम अस्पताल भैरहवा पठाएकोमा उपचारको क्रममा ३ जनाको मृत्यु भएको हो । एक जनाको उपचार भैरहेको प्रहरीले जनाएको छ ।