फ्याक्ट चेक : टाइम्स स्क्वायरको बिलबोर्डमा रामको तस्वीर राखिएको सत्य हो ?
प्रकाशित मिति : श्रावण २२, २०७७ बिहीबार
![](https://i0.wp.com/www.khasokhas.com/wp-content/uploads/2020/08/real-and-fake.jpg?fit=1000%2C600&ssl=1)
अगस्त ५ मा भारतीय प्रधानमन्त्री नरेन्द्र मोदीले अयोध्यामा रामको मन्दिर निर्माणका लागि भूमिपूजा गरेका थिए । लगत्तै न्युयोर्कको टाइम्स स्क्वायरका बिलबोर्डहरुमा रामको तस्वीर देखाइएका फोटोहरु भाइरल बने ।
एउटा भाइरल तस्वीरमा टाइम्स स्क्वायरका आधादर्जन बढी बिलबोर्डहरुमा रामको तस्वीर लगाइएको देखाइएको छ । अर्को तस्वीर र भिडियोमा टाइम्स स्क्वायरको नास्डाकको स्क्रीनमा राममन्दिर र रामको तस्वीर देखाइएको छ । यी तस्वीर र भिडियोको वास्तविकताबारे प्रश्नचिन्ह समेत खडा भएको छ ।
![](https://i0.wp.com/www.khasokhas.com/wp-content/uploads/2020/08/Ram-.jpg?resize=720%2C720&ssl=1)
न्युयोर्कको टाइम्स स्क्वायरमा नास्डाकको १७ हजार स्क्वायर फुटको स्क्रीनमा राम र राममन्दिरको तस्वीर देखाइएको सत्य हो । तर टाइम्स स्क्वायरका कम्तीमा आधादर्जन बिलबोर्डहरुमा रामको तस्वीर लगाइएको देखाइएको तस्वीर भने गलत हो ।
![](https://i0.wp.com/www.khasokhas.com/wp-content/uploads/2020/08/Screen-Shot-2020-08-06-at-14.12.00.png?resize=720%2C370&ssl=1)
शनिबार न्युयोर्कको टाइम्स स्क्वायरमा रहेको बिलबोर्ड नास्डाकको बिलबोर्ड भाडामा लिएर देखाइएको वास्तविक भिडियो यस्तो छ ।
#WATCH USA: A digital billboard of #RamMandir comes up in New York’s Times Square.
Prime Minister Narendra Modi performed ‘Bhoomi Pujan’ of #RamMandir in Ayodhya, Uttar Pradesh earlier today. pic.twitter.com/Gq4Gi2kfvR
— ANI (@ANI) August 5, 2020
सन् २०१६ मा खिचिएको टाइम्सस्वायरको एउटा तस्वीरलाई फोटोशप गरेर कम्तीमा आधादर्जन बिलबोर्डमा रामको तस्वीर अंकित गरिएको छ । कम्तीमा ६ वटा बिलबोर्डमा रामको तस्वीर राखेको जस्तो गरी फोटोशप गरिएको वास्तविक तस्वीर यस्तो छ ।