वाह राजधानी !
प्रकाशित मिति : ९ बैशाख २०७४, शनिबार
कुनै बेला भनिन्थ्यो, काठमाडौं सहर, हेर्न लाग्छ रहर । त्यही हेर्न रहर लाग्ने सहर अहिले हिलो र धुलोले कुरुप बनेको छ । पानी पर्ने बित्तिकै हिलाम्मे हुने र केहीबेरमै धुलाम्मे हुने काठमाडौंको सडक अहिले खानेपानीको पाइप बिछ्याउन खनिएपछि थप कुरुप बनेको छ । सडकमा छेउछाउमा हिड्नेलाई हुने सास्तीको बयान गरी साध्य छैन । मोटरसाइकल, साइकल र स्कुटरमा हिड्नेको पनि हालत खराब छ । खसोखासका लागि दीपेन्द्र ढुंगानाले खिचेका यी चार तस्विरहरु नेपालको राजधानी काठमाडौंको प्रतिनिधित्व गर्न प्रयाप्त छन् । यी तस्विरहरु हेरौं, अनि चुनावको चटारोमा रहेका नेपालका राजनीतिक दलका नेताहरुलाई सोधौं, यस्तै हुन्छ कुनै पनि देशको राजधानी ?
हिलाम्मे सडकको आसपासमा हिड्नेहरु गाडीले छ्यापेर सडकजस्तै हिलाम्मे हुने गरेका छन् ।
पानी पर्नासाथ काठमाडौंको सडकको हालत यस्तो हुन्छ ।
अनि पानी परेको केहीबेरमा नै धुलो उड्न थाल्छ र कुहिरीमण्डल हुन्छ ।
